豚燻 (已結業)

拉面依家开到成行成市，但系多数都系猪骨、豚肉、味增等等既拉面，所以今次想揾一间特色啲嘅拉面食！😸大满足全板海胆拉面：未食见到个样已经觉得好丰富，呢个拉面唔单止有全板嘅海胆， 拉面下边仲有成五只左右嘅蚬！所以汤底配合埋所有海鲜嘅味道特别浓郁😙至于拉面方便我拣粗面，面质较为烟韧，啱晒钟意有咬口既朋友！一啖新鲜海胆再配一啖拉面，真系大满足！爆多蚬肉拉面：呢碗系我朋友叫嘅，一嚟就见到蚬肉嘅份量就觉得好抵下，因为厨师用足料，我谂全碗夹埋左有成十几二十只蚬！而蚬肉唔会有沙同埋全部开口嘅，海鲜够晒新鲜👅我朋友拣咗幼面，呢只面质口感较淋，但系因为面质较幼所以冇一条都可以挂住到汤底嘅味道盐烧烧牛扒： 牛扒肉质松软，厨师控制火候刚好，配埋椒盐同蒜蓉片，正，值得推荐👍🏻👍🏻盐烧牛舌：牛舌厚身够晒口感，铁板烧完特别香口