影片
更多
2023-11-27
3317 浏览
好耐无食放题，趁住年尾清假，决定去睇戏前食餐好，来到了大受欢迎嘅「极尚大瀛喜」。平日午市放题只系$258，可以食足三个钟，有齐刺身、寿司、烧物、炸物及甜品等等，都算抵食。系等食物送上前，可以先出自助区拎d小食医下肚，除咗传统日式小食外，仲有少量海鲜及炸物，不过最正都系椰汁炖雪燕，非常足料，真系要饮返两碗滋润下。食放题首选梗系食刺身，呢度嘅刺身有好多种选择，包括我最喜爱嘅油甘鱼及希灵鱼，每样刺身都系厚切及好新鲜，入口味道鲜甜，真系叫多几次都唔嫌多呀。刺身以外，当然要食埋其他熟食同炸物，个人特别推介珍宝烧蚝，大大只依然保持鲜嫩；而炒牛柳粒味道甜甜辣辣，食得好开胃。另外，喜欢榴梿嘅可以试佢地嘅榴梿烧。饮品亦有好多种，连梅酒及清酒都有，亦有较为少见嘅橙汁及椰青水，仲有热维他奶等等，天气冻嘅时候饮就最适合不过啦。最后当然要有甜品时间，呢度嘅甜品有麻糬、布丁奶冻杯、豆腐花、雪糕等等，仲有个自助糖果区，真系食甜品都食饱。个人最喜欢芒果麻糬，细细粒一口一粒啱啱好，味道唔太甜，烟烟韧韧好好味。
平日午市放题只系$258，可以食足三个钟，有齐刺身、寿司、烧物、炸物及甜品等等，都算抵食。
系等食物送上前，可以先出自助区拎d小食医下肚，除咗传统日式小食外，仲有少量海鲜及炸物，不过最正都系椰汁炖雪燕，非常足料，真系要饮返两碗滋润下。
食放题首选梗系食刺身，呢度嘅刺身有好多种选择，包括我最喜爱嘅油甘鱼及希灵鱼，每样刺身都系厚切及好新鲜，入口味道鲜甜，真系叫多几次都唔嫌多呀。
刺身以外，当然要食埋其他熟食同炸物，个人特别推介珍宝烧蚝，大大只依然保持鲜嫩；而炒牛柳粒味道甜甜辣辣，食得好开胃。另外，喜欢榴梿嘅可以试佢地嘅榴梿烧。
饮品亦有好多种，连梅酒及清酒都有，亦有较为少见嘅橙汁及椰青水，仲有热维他奶等等，天气冻嘅时候饮就最适合不过啦。
最后当然要有甜品时间，呢度嘅甜品有麻糬、布丁奶冻杯、豆腐花、雪糕等等，仲有个自助糖果区，真系食甜品都食饱。个人最喜欢芒果麻糬，细细粒一口一粒啱啱好，味道唔太甜，烟烟韧韧好好味。
张贴
