潮食街 (已結業)

疫情关系，好耐都冇食个buffet啦，趁而家疫情缓和，就揾间抵食嘅试吓啦，潮食街，一直都好想试，好多好评，今次终于可以试吓啦。通常我都系主攻海鲜，呢度有即开法国生蚝，蟹脚，翡翠螺，青口，蚬，虾，选择都算多，生蚝好新鲜，大只，亦好鲜甜，钟意食生蚝嘅我，食咗三打，都冇唔舒服，可以证明呢度啲生蚝系干净嘅。食物选择好多，冷盘，热盘，刺身，印度咖喱，薄饼，车仔面，烧味...想食乜都有，仲有炖汤。食完主菜，梗系到我最钟意嘅甜品环节啦，必食推介芝士流心挞，即整即食，超好食😋仲有好多唔同嘅选择，甜品精致，亦有多款唔同口味，生果亦有多款，饮品是自助形式的，选择亦很多，有店员协助。不错的自助餐选择，食物种类多，质素高，价钱优惠，除咗地点有啲偏僻外，整体都ok，店员服务亦好好，好快就会帮你收碟，座位舒适，可以有梳化位置，而且位置宽阔，唯一缺点，餐厅自助餐位置太大，要攞食物行到好远。