影片
更多
2021-06-13
896 浏览
之前试过唔同鮨店既Omasake, 初次到访Sushi Misumi鮨美澄，成间鮨店吧枱有九个位，今次冯师傅负责六位（包括我地），日本师傅负责三位。一坐低咁岩位前面有养蟹仔，问师傅先知原来系养住夜晚会炸黎伴碟。另外摆盘用既碟同底盘好靓，视觉上已经令我觉得更加好味。😊今次遇到冯师傅，每道菜都解释得好清楚，唔会讲其他多余野，成餐饭都系围绕住点样处理本次既食材。有好多位都好细心，包括上道菜啲汁喺只碟度都会帮我哋抹好再上下一道。而店员服务态度都好好，好细心。不断加茶水，收碟都好好礼貌。我地同旁边两枱都有交流，我钟意咁样既用餐过程，有讲有笑，大家都好开心话一定会再黎。成个用餐过程好舒服，每道菜都好新鲜，对于我黎讲有多样都有记忆点。师傅都好照顾我地每一位。反而日本师傅个边小d交流（明白系沟通上既问题）$880 + 10% Lunch 我觉得系高质抵食，一般lunch大部份会系得个半钟，而呢间鮨店有两个钟，可以慢慢享受。原本师傅话如果钟意边样可以最尾再整比我地食，但系实在太饱所以食唔落。唯一一样觉得可以改善既就系真系太饱，到拖罗蓉卷既时候其实已经开始有d食唔落。利申：本人属于食量大既女仔前菜：蕃茄配
一坐低咁岩位前面有养蟹仔，问师傅先知原来系养住夜晚会炸黎伴碟。另外摆盘用既碟同底盘好靓，视觉上已经令我觉得更加好味。😊
今次遇到冯师傅，每道菜都解释得好清楚，唔会讲其他多余野，成餐饭都系围绕住点样处理本次既食材。有好多位都好细心，包括上道菜啲汁喺只碟度都会帮我哋抹好再上下一道。而店员服务态度都好好，好细心。不断加茶水，收碟都好好礼貌。我地同旁边两枱都有交流，我钟意咁样既用餐过程，有讲有笑，大家都好开心话一定会再黎。
成个用餐过程好舒服，每道菜都好新鲜，对于我黎讲有多样都有记忆点。师傅都好照顾我地每一位。反而日本师傅个边小d交流（明白系沟通上既问题）
$880 + 10% Lunch 我觉得系高质抵食，一般lunch大部份会系得个半钟，而呢间鮨店有两个钟，可以慢慢享受。原本师傅话如果钟意边样可以最尾再整比我地食，但系实在太饱所以食唔落。唯一一样觉得可以改善既就系真系太饱，到拖罗蓉卷既时候其实已经开始有d食唔落。利申：本人属于食量大既女仔
前菜：
蕃茄配芝麻酱 - 正常
慢煮鸡肉 - 食得出Sake味，肉算幼嫩，但唔太热
水草醋 - 原本系出芋头，不过师傅听到我话唔食芋头即刻换过样比我👍🏻 第一次食水草醋，本人表示喜欢💗💗
炸豆腐 - 正常
茶碗蒸 - 一般，有d偏咸
虾头鱼汤 - 正常
小钵 - 里面既姜同莲藕都好味💗
刺身：
海螺 - 见住师傅即场拎住新鲜既海螺即切，非常新鲜爽口，配埋wasabi同玫瑰花，食得出花香💗💗💗💗💗
章红鱼 - 新鲜 💗💗
右口鱼海胆卷 - 多数食左口鱼，原来右口鱼同海胆会咁夹💗💗💗💗💗
矶煮鲍鱼 - 个汁好好味，同埋呢种鲍鱼冻食口感好正好爽，会回味既一道菜（预先煮好再浸一个星期，用十几种蔬菜汁去浸）💗💗💗💗💗
油浸章鱼 - 一向唔太好章鱼，但真心个汁整得好味同埋好易咬💗💗💗💗
寿司十三贯：（总括所有食材新鲜）
深海池鱼王_熟成5日 - 新鲜
金目鲷 - 食落好肥美💗💗💗💗
活赤贝 - 新鲜
银雪鱼 火炎 - 加左日本辣酱又几好食wo💗💗💗💗
依左目（柚子磨粉) - 好夹食得出柚子味💗💗💗💗
带子 - 正常
黑豚肉豚角煮（燘三个钟放六个钟）- 个萝卜好入味，黑豚肉都唔错 💗💗💗
野生赤龙 - 第一次食，师傅话比较少有，食落其实有d似脑天既口感但唔同味，有记忆点💗💗💗💗
右口鱼群边 - 食爽口既但有啲硬
中拖罗 - 加盐既过程好靓，赏心悦目，咸度又唔会over可以接受💗💗💗
大拖罗（熟成15日）- 相比其他大拖罗已经冇乜记忆点
拖罗蓉卷 - 开始已经有d食唔落，已经叫师傅少饭 （呢个可以唔要会更加完美）
海胆 - 好大份量，海胆好味但建议唔落饭，剩海胆加紫莱会好d 💗💗💗
甜品：
玉子烧 - 加鱼肉蟹肉去整既玉子烧第一次试，虽然唔系好食得出鱼肉蟹肉味，但都好味
配红豆奶冻 - 好滑，师傅话每次甜品都唔一样
Btw 已经book左下个月再去食dinner👍🏻
张贴
