發哥粥底海鮮火鍋 (已結業)

上一次去过大围发哥粥底海鲜火锅食过，啲海鲜超正。发现原来系观塘开左新店，立即带老公去再食一次。今次要挑战既当然系最吸引既龙虾餐啦！点解甘吸引？继续睇落去就知！系火锅料未上枱之前，先送上一盅热辣辣炖汤，足料，系大冬天饮完一碗成个人暖笠笠。仲有二款小食，分别系拍青瓜同花生。蒜蓉泰酱焗青口，每人二只，少少辣好惹味，仲有真系新鲜焗起的，唔小心摸到个碟边烫手到不得了。仲可以拣想要新鲜鲍鱼定冰镇鲍鱼，我地拣冰镇鲍鱼，简直不得了，爽口得黎肉质却好软腍。食左甘多前菜终于到火锅啦！先黎大大个海鲜拼盘。海鲜拼盘有龙虾外，蛏子皇，贵妃蚌，多宝鱼，黄金蚬，海虾，元贝。龙虾🦞超大只又多膏，其他海鲜都好新鲜，食起超鲜甜，其中老公大赞蛏子皇超巨型，肉厚咬落，冇沙要赞下，我就中意元贝，个壳成个手掌甘大，入面粒元贝都超大只，碌左一阵都唔老。除咗海鲜之外，仲有一份安格斯牛肩肉，好嫩滑又好有牛味。另外还可自选八款火锅配料，我地拣左自家制虾滑，墨鱼滑， 韭菜饺，黑豚肉，滑牛肉，鲜滑鸡，鱿鱼须，脆鲩骨腩片。个人比较推介自家制虾滑，墨鱼滑同韭菜饺，都好食。当然最后重头戏就系吸收晒海鲜同埋唔同火锅配料精华嘅粥底，味道好鲜甜，而且粥