四寶食堂 (華凱大廈)

营业中

休息中

住喺炮台山多年，想食个好味的沙嗲牛肉面都几困难。前排见到四宝食堂新开张，今日就试一试。 星期日朝早830，都已经要排一排队先入座，不过又唔洗等好耐。 店员有礼貌带入座，重要比个卡位我坐。望望餐牌，都好多款早餐可以选择，不过本人就钟情沙嗲牛肉面， 所以都系唔洗谂，就招牌餐啦。招牌餐，香浓沙嗲牛肉面，嫩滑炒蛋，餐包。早餐送到黎，香喷喷鲜黄色的炒蛋就送到眼前。 炒蛋蛋味浓郁，食落有creamy感觉，重有少少蛋汁，份量重好惊人。沙嗲牛肉面，沙嗲汁有好香浓的花生味，微辣，沙嗲汁重可以挂面，变成港式日本沾面？，牛肉质感似牛颈脊， 厚切，有咬口， 唔似坊间的牛肉，用粉整到林哂，无哂牛肉味。呢个沙嗲牛肉面果然系招牌餐， 精彩。奶茶就茶味香浓，热度够，合我口味。终于喺炮台山终到精彩的沙嗲牛肉面。