Woods (已結業)

收工同朋友周围行兼揾食, 朋友想食西餐，经过亚皆老街见到*wood*几吸引，一于入去试下先🙌🏻餐厅环境同餐厅名好配合，所有装饰摆设都系木制，餐厅中间有颗小型树配搭，风格别具特色！朋友叫了朱古力奶昔，奶昔卖相精致，杯既周边用彩色朱古力碎碎点缀，朱古力味极香浓，奶昔唔会过份甜，好饮到朋友一口起已饮大半杯🙄我就饮热玫瑰花茶，店铺用上特别又好玩既器皿盛载🙈，放入大量玫瑰花，茶味够哂香浓，食完野去腻一流。食物方面叫左个香辣四川鸡pizza,朋友话想试呢个，但我听落以为唔多衬，点知黎到唔只卖相吸引，味道仲好惹味！pizza 够哂香脆薄身，配料丰富，配合微微四川既辣同埋芝士香，令我同朋友食唔停。美国肉眼牛扒，卖相一流，睇得出好用心机配搭，最重要系店方已经为我地切好再上枱👍🏻岩哂我呢个懒人🙈，5成熟岩岩好，入面带有血色，牛扒富有肉汁，牛味好香浓，加上新鲜既配菜，亦令我地食得滋味非常。最后当然都要食甜品作结，甜品拼盘岩哂我呢d选择困难证既人，又好睇又好食，朱古力心太软好流心，皮够薄朱古力味够香浓嫩滑，苹果金宝酸酸甜甜配合雪糕食正👍🏻杂果窝夫外皮香脆，水果新鲜，有呢知甜品拼盘作结简直大满足！