Sodam Chicken (已結業)

日本放题就食得多。韩式炸鸡小食放题就真系第一次食。.平时喺韩国餐厅点炸鸡，好多时都好大份，款式最多都只可拣双拼，就算系一大班人食，试到的款都好有限。今次食炸鸡烤鸡放题就无呢个问题啦。口味选择足足有十几款咁多，甜酸咸辣都有，仲可以遂件遂件咁order，想点配搭都得。.除咗炸鸡，仲有pizza+好多前菜可以选，唔怕独沽一味。.炸鸡炸得香脆唔油腻，入面嘅鸡肉嫩滑多汁。个人最钟意黄金咸蛋炸鸡，未食已经闻到好香嘅咸蛋味，食落非常惹味。.贪得意试埋新出嘅黑糖脆脆炸鸡，好新奇嘅配搭，但食落原来好夹，估唔到黑糖用嚟配咸点都咁正！.另外，饮品做紧买一送一，所以仲点咗两款特色米酒，卖相好清致。不过饮品真的好大杯，应该两个人share一杯也很足够。