Dodam Chicken (1亞太中心) (已結業)

今日好想食炸鸡，所以就同男朋友去观塘嘅dodam chicken，之前食过觉得唔错所以就一于再encore 我哋拣咗两个味嘅炸鸡双拼，包括香蒜脆鸡同埋韩式甜豉油脆鸡。两款我哋都拣咗无骨嘅，咁样就可以啖啖肉。 炸鸡嚟到超壮观，颜色好靓，令人好有食欲，炸鸡份量超级多， 20件起跳。同之前食一样保持到水准，炸鸡虽然淋左酱汁，但系都keep到皮超松脆。韩式甜豉油味甜甜地，好惹味 ，香蒜脆鸡就劲浓嘅蒜味。两款鸡嘅酱汁都完美包裹住鸡件，真系好唔错！惊食唔饱嘅我哋仲叫咗一个韩式手抓饭，呢个手抓饭好食得嚟又可以自己动手。饭上面淋满紫菜，蟹柳丝同埋满满嘅蟹籽，仲有沙律酱。我哋就自己捞埋 ，将饭包成一粒粒咁样食 ，口感超丰富 ，而且好多配料，所以绝对唔会食厌。