能記飯店

营业中

休息中

相信唔少人都试过慕名去深井食烧鹅，结果中咗伏。今次行完山我就专程拣一间未食过嘅餐厅做下午茶，睇吓可否打破魔咒。呢间能记烧鹅虽然名气唔及其余几间餐厅，但估唔到佢嘅烧鹅同小菜出品唔错，系我意料之外。四个人叫咗半只烧鹅、炭烧猪颈肉、四碗濑粉同埋蒜蓉豆苗。除咗烧鹅系整定之外，其余都系即叫即煮。烧鹅卖相比上次去隔离𠮶间有睇头得多。唔单止大只，肉厚而不韧，皮虽然唔脆但仍有油光，皮下无多余脂肪，每件烧鹅厚薄匀称，师傅刀功可见一斑。最重点系个濑粉汤底，真系足料熬制而成，堪称一碗下午茶最邪恶嘅烧鹅濑！蒜蓉豆苗大碟到食唔哂，炒得翠绿，味道唔太咸又唔多油，好满意炭烧猪颈肉有好多件，烧得够香，色水靓，几烟韧juicy!行完个山又攰又饿，可以食到个咁丰富好味嘅下午茶真系大满足😄😄，医饱个肚补充体力，出返荃湾按埋个摩就真系圆满喇！