影片
更多
2018-07-06
89 浏览
唔打唔撞嚟到呢间炉端烧，好彩早到（7点左右），之后坐满人，差d冇位呀～ 因为冇食晏昼饭嘅缘故特别肚饿 我点咗超多嘢招牌唐扬鸡块，鸡肉调味嘅味道超好，甜甜地。 呢个菜其实唔可以用块嚟形容， 应该系鸡件，好大嚿，但唔油腻! 好好食，佢嘅炸浆超薄鸡件连皮一齐炸，平时我会去皮食，今次成嚿食晒。 鸡皮炸咗之后脆口之余又一点烟韧感觉，我好钟意。北海道甲罗烧， 有鹌鹑蛋蟹膏蟹肉。 首先将鹌鹑蛋同蟹膏蟹肉捞匀再用矶烧方法烤三至四分钟， 烤出嚟好香好滑唔会太熟啱啱好。推介手握寿司x3: 我选左最爱左口鱼边，鱼肉超级新鲜，一般不太新鲜嘅肉都系干身，但系佢呢个白色鱼肉油脂度十足，令立立，食落齿颊留香，又鲜又甜。第二至爱海胆军舰当然唔少得，用新鲜包嘅紫菜住脆卜卜，配埋见到表面粒粒状嘅新鲜海胆视觉味觉都好满足。另外都叫左蟹棒蟹籽寿司， 蟹籽多到嘅份量蟹棒都盛唔住，要用匙羹食!虽然已经点左好多小吃，但都忍唔住叫左个海鲜丼饭，冇叫错。刺身种类好多: 荣螺，元贝 ，蟹棒，鲷鱼，吞拿鱼，三文鱼腩， 八爪鱼，已经 完全盖住碗饭。另外捞埋即磨山葵， 山芋蓉（即准山）同甜蛋丝， 滋味又饱肚，价钱算平值得食。炸八爪鱼， 八爪
因为冇食晏昼饭嘅缘故特别肚饿 我点咗超多嘢
招牌唐扬鸡块，鸡肉调味嘅味道超好，甜甜地。 呢个菜其实唔可以用块嚟形容， 应该系鸡件，好大嚿，但唔油腻! 好好食，佢嘅炸浆超薄鸡件连皮一齐炸，平时我会去皮食，今次成嚿食晒。 鸡皮炸咗之后脆口之余又一点烟韧感觉，我好钟意。
北海道甲罗烧， 有鹌鹑蛋蟹膏蟹肉。 首先将鹌鹑蛋同蟹膏蟹肉捞匀再用矶烧方法烤三至四分钟， 烤出嚟好香好滑唔会太熟啱啱好。
推介手握寿司x3: 我选左最爱左口鱼边，鱼肉超级新鲜，一般不太新鲜嘅肉都系干身，但系佢呢个白色鱼肉油脂度十足，令立立，食落齿颊留香，又鲜又甜。
第二至爱海胆军舰当然唔少得，用新鲜包嘅紫菜住脆卜卜，配埋见到表面粒粒状嘅新鲜海胆视觉味觉都好满足。
另外都叫左蟹棒蟹籽寿司， 蟹籽多到嘅份量蟹棒都盛唔住，要用匙羹食!
虽然已经点左好多小吃，但都忍唔住叫左个海鲜丼饭，冇叫错。刺身种类好多: 荣螺，元贝 ，蟹棒，鲷鱼，吞拿鱼，三文鱼腩， 八爪鱼，已经 完全盖住碗饭。另外捞埋即磨山葵， 山芋蓉（即准山）同甜蛋丝， 滋味又饱肚，价钱算平值得食。
炸八爪鱼， 八爪鱼鲜味十足 仲有咸香（ 海水味）弹牙有赵口，佐酒一流。
另外重叫左明太子牛油鱿鱼须， 鱿鱼须新鲜弹牙，配埋牛油及明太子嘅咸香，好衬。
同埋是日煎鱼鲛，呢个系白肉鱼。我个人都系比三文鱼鲛，因为肥d滑d浓味d。
饮品方面我选择左白桃果汁，有果肉及乳酸味，味道偏甜（自己自行加一杯水刚刚好），是真正水蜜桃味道!
张贴
