茶茶台式料理 (已結業)

早排同朋友去咗旺角食茶茶台式料理，觉得佢CP值都几高！一人唔使百零蚊就食到劲饱同埋都几好食！我哋叫咗个招牌茶茶麻辣锅，个麻辣锅入边有好多料。而且个汤底似足喺台湾食嘅口味，仲可以自己拣辣度。今日叫咗个钟啦我同朋友都觉得接受到唔会话10分辣。另一个主食我哋就叫咗个盐酥鸡扒卤肉饭，个盐酥鸡扒真系要大赞。炸得好松软，而且仲保留到鸡扒啲肉汁。配埋个卤肉饭食好送饭，而且份量仲好多。搞到我哋食到劲饱😂除咗主食我哋仲叫咗两款小食，分别系凉拌青瓜同埋麻辣鹅肠。个小青瓜好refreshing，上面有啲蒜蓉捞埋一齐食啱啱好。 而麻甩鹅肠就系我本人嘅最爱，餐厅处理得都唔错都合格嘅👍但系令我最惊喜嘅就系我揾到以前去台湾旅行饮过嘅两款啤酒，今日我叫咗个荔枝酸啤酒同埋桂圆黑啤！呢度嘅啤酒系由台湾直送而且价钱都系$48唔系话好贵。台式啤酒简直系为呢一餐台式料理既一个亮点啊！