道頓堀御好燒專門店 (朗豪坊) (已結業)

之前经过尖沙咀已经想试试，但太多人排队，估计最少等个半钟。 所以今次早有准备，六点钟就黎到朗豪坊揾位。可能系平日，所以无咩人。四个人点左4人餐，谂住咁多野食，应该刚刚好，最后系...... 首先黎左广岛烧，完全唔识点整，好彩佢有个好清晰既食谱，教我地点整，仲有埋计时器计时，非常贴心。所以虽然我地厨艺不精，不过都整得好成功，样子有模有样。 之后再黎左个御好烧和炒面。玩一次就几好玩，玩多几次就少了新鲜感，而且酱汁味道差不多，所以我地觉得如果四个人黎，食一个广岛烧再加一个炒面就够，太多会腻。 跟餐还有每人一杯饮品、一份泡菜烧鱿鱼、烧牛舌和雪糕，可以解解腻。 我地四个食得劲饱，呢个四人餐份量太大，其实够5-6人食，最岩大食既人。 总括而言，$588好抵食，不过下次会试下单点，食唔同既野。