炻板燒 (已搬遷) 新店位置

今日去开屯门新墟，一直钟意食烧肉既我，见有间烧肉小店「炻板烧」，一于去试试先。「炻板烧」系屯门新墟雅都花园商场地下，附近有巴伦约戏院，同凯都戏院，最啱睇戏前后时间去食番转。午市套餐价钱好抵，今次$98就食到一人份烧肉餐连小食饮品，仲要lunch时间唔洗加一收费，正呀！事不疑迟，一于试试好唔好味先！今次点左两份餐，一份系板烧牛小排($98)，另一份系板烧吉列牛($98)。店员首先会送上小食，面鼓汤同饭，随餐小食我地叫左唐扬炸鸡同埋八爪鱼丸。炸物小食热辣辣，炸鸡香脆内嫩，炸八爪鱼丸亦做得出色，仲有饭素白饭！终于等到期待已久既烧肉啦哗，两碟牛肉送到面前，劲大份！肉既脂肪分布大吸引啦！要赞下店家，每碟牛肉都有配上一片牛脂肪，系烧肉之前可以用黎抹系石板上，令烧肉时更加香口，同唔怕黏底，细心程度加分！板烧牛小排($98)， 牛嘅脂肪分布均匀 ，用石板煎香后，外表香口，入面锁住满满既肉汁，无得顶板烧吉列牛($98)， 吉列香脆加上石板煎封左牛肉既表层，两重口感，赞！呢间小店一定要encore再encore呀！