海皇園林酒家

营业中

休息中

今晚朋友带队一行7人入黎鲤鱼门食海鲜，大家都食到胆固醇超哂标，但都系值得嘅。我地首先系妹记度点咗要乜海鲜，再由海鲜舖帮我地拎去餐厅，所以我地都唔使一抽二褦咁拎去餐厅，实在方便。去到餐厅先发现唔系大排档黎，而系装修得古色古香咁，比我想像嘅好干净同舒适，餐厅嘅环境好扩阔。我地点咗蛏子王，虾，龙虾，奄仔蟹，鲍鱼，花螺，咕噜肉同芥兰。今次嘅奄仔蟹只只都爆膏，大家都觉得好味过d 大闸蟹。最惊喜嘅系芝士龙虾配煎米粉底，系十分十分之好味，系出面d 餐厅都好少呢个做法，所以我地个个都赞。最后餐厅送嘅木瓜鱼汤，脆麻花，鲜木瓜同南瓜露都好出色，全部都清哂。