千里屋食堂 (已結業)

本文以用餐当日的环境、服务和食物质素为准，口味亦因人而异，文章只作参考之用。-来自大阪的千里屋食堂，系日本约有十间分店。主打和牛牛肉丼，用上鹿儿岛A5黑毛和牛，确实高质；不过今次小妹黎呢度反而系想试佢地既寿喜烧牛肉锅，据说味道相当唔错啊，甜甜的酱油汤底与牛肉互相配合真的超搭！打开餐牌，剩系日式火锅都有唔少选择，有得拣 和牛/黑安格斯牛肉、不同的牛肉部位，仲有黑豚肉可以拣；另外仲有一款汤底比较清的涮牛肉套餐 （第二份半价），以蘸酱为主。牛肉寿喜烧套餐 $380 （第二份半价）套餐已包括韩式凉拌三款、野菜拼盘、生蛋、乌冬、白饭、饮品、甜品、一盘牛肉和豚肉。套餐望落好丰富都几多野食，最重要个甜酱油汤底真系好浓味！用黎配牛肉一向都觉得系最搭既汤底无误，能够完全突出牛肉既味道！所配既鹿儿岛和牛，卖相唔算好靓，但食落牛味重肉质幼嫩，味道唔错，豚肉就不过不失。另外，相信一定有人觉得个汤底太甜喇，个炉一路滚既时候甜酱油汤底会愈黎愈杰，变得比较咸同甜（重口味）。咁就可以拎系枱上既水壶，加少少水落去，食落会无咁重口味，亦可以自行调节浓淡度，加汤亦都系加返甜酱油汤底，大大加分呢！