影片
更多
2024-11-11
297 浏览
通常好少食完即刻出review，除非系好激气或者劲好食，今日呢个系后者。上次见到隔离枱个年青食客食呢个烧鸡餐好似食得好开心，忍唔住问佢好唔好食，佢话「正」。今日谂咗好耐，终于order咗试吓！😊我想影张「全家福」，特登等埋碟鸡嚟先至开餐。😂碟上半只鸡虽然冇墙上面餐牌𠮶只望落去咁juicy，但系色泽均匀，鸡髀位「涨卜卜」，外观唔错。我用餐刀揭起只鸡髀发现有烟涌出嚟，即系话个鸡壳仲好热，如果唔将啲鸡胸肉即时离骨，就会overcooked!😅我好快咁将个鸡髀同鸡翼切开，然后极速起晒啲鸡胸同鸡背肉。只鸡整得啱啱好，好容易就起晒啲肉！👍🏼👍🏼我仲用把刀喺啲骨罅中间撩埋啲碎肉出嚟。🤣🤣我个人觉得如果一只鸡连鸡胸都整得好okay,𠮶只鸡就真系好食。今日第一时间试食一件胸肉，仲点咗跟餐𠮶个酱汁，okay㖞！跟住夹埋啲沙律菜一齐食仲「正」。当我食完个「鸡肉沙律」，切咗少少髀试吓，再食多几条薯条，已经饱晒。😂我唔想做「大嘥鬼」于是将鸡髀、鸡翼同沙律菜「外带」返屋企，谂住今晚拆肉整鸡肉沙律。😂上个月嚟食嘢已经见到佢哋有推介北海道牛乳布甸，今日有机会试吓。入口第一感觉：超滑，牛奶味好浓但系唔酥，重点：唔系好甜
我想影张「全家福」，特登等埋碟鸡嚟先至开餐。😂碟上半只鸡虽然冇墙上面餐牌𠮶只望落去咁juicy，但系色泽均匀，鸡髀位「涨卜卜」，外观唔错。
露丝秘制烧鸡跟薯菜
8 浏览
0 赞好
0 留言
我用餐刀揭起只鸡髀发现有烟涌出嚟，即系话个鸡壳仲好热，如果唔将啲鸡胸肉即时离骨，就会overcooked!😅我好快咁将个鸡髀同鸡翼切开，然后极速起晒啲鸡胸同鸡背肉。只鸡整得啱啱好，好容易就起晒啲肉！👍🏼👍🏼我仲用把刀喺啲骨罅中间撩埋啲碎肉出嚟。🤣🤣
我个人觉得如果一只鸡连鸡胸都整得好okay,𠮶只鸡就真系好食。今日第一时间试食一件胸肉，仲点咗跟餐𠮶个酱汁，okay㖞！跟住夹埋啲沙律菜一齐食仲「正」。当我食完个「鸡肉沙律」，切咗少少髀试吓，再食多几条薯条，已经饱晒。😂
我唔想做「大嘥鬼」于是将鸡髀、鸡翼同沙律菜「外带」返屋企，谂住今晚拆肉整鸡肉沙律。😂
上个月嚟食嘢已经见到佢哋有推介北海道牛乳布甸，今日有机会试吓。入口第一感觉：超滑，牛奶味好浓但系唔酥，重点：唔系好甜。😋😋连我呢个唔钟意饮牛奶嘅人，都觉得唔错，我估钟意饮奶🥛🥛🥛嘅人一定会钟意。
虽然我今朝早餐食得好少嘢，今餐果然都系我预计中：食唔晒！😂😂个餐$72布甸$12，合共$84，咁嘅份量同质素，实在抵食兼好食。$$😋😋😋😋
P.S. 其实已经坐䢂落咗楼下，但系谂起个酱汁嘅味道好特别，有我最钟意嘅芫荽，于是走返上去问吓𠮶个系乜嘢汁，我初初听到「乱但汁」，原来系「嫩弹汁」先至真，系佢哋秘制配佢哋德国嫩弹咸猪手嘅汁。
张贴
