影片
更多
2022-09-23
26 浏览
见到呢间有全新首创嘅「酥皮麻辣芝士🧀鸡煲」火锅放题～酥皮+麻辣+芝士+鸡煲～真系超吸引，嗱嗱临去擦返餐！店里唔算好大，但有空间感，我哋坐大卡位坐得好舒服，自助区整齐亮丽。120分钟火锅放题有几款选择，我哋拣咗C餐「澳洲M4和牛+海鲜🦐大满贯」（每位$398），如果唔食海鲜嘅朋友，可以拣A餐「精选牛肉吃到饱」（每位$298）都好丰富㗎～头盘当然点咗好吸引嘅酥皮麻辣芝士鸡煲（二位套餐+$58）💗由服务生帮我哋切开又香又脆嘅酥皮，然后拌一下芝士和鸡件～芝士拉丝好邪恶啊！鸡好滑嫩入味，原来麻辣同芝士好鬼夹👍🏼正呀！食完鸡煲就准备打边炉，汤底拣咗「胡椒猪肚汤」，胡椒味好香浓，入面仲有好多猪肚～C餐包咗海鲜盘一客，当日有鲍鱼丶日本扇贝丶青口丶海虾丶贝类～另外仲有超巨大嘅大头虾，全部都好新鲜。大头虾好多膏😋啖啖肉鲜甜无比！我哋再落单点咗可以任点嘅广岛蚝～超大只又鲜甜。肉类方面～包咗一客大大份「美国牛肉大满贯」，当中有美国封门柳丶澳洲M4和牛丶极上安格斯牛小排⋯其中最钟意澳洲和牛嫩滑之余，肉味也香浓。而另外仲有可无限任点嘅牛板腱丶雪花肥牛丶牛胸爽丶金钱展⋯可以一次过食咁多唔同嘅牛部位，钟意食牛嘅真系超
店里唔算好大，但有空间感，我哋坐大卡位坐得好舒服，自助区整齐亮丽。
120分钟火锅放题有几款选择，我哋拣咗C餐「澳洲M4和牛+海鲜🦐大满贯」（每位$398），如果唔食海鲜嘅朋友，可以拣A餐「精选牛肉吃到饱」（每位$298）都好丰富㗎～
头盘当然点咗好吸引嘅酥皮麻辣芝士鸡煲（二位套餐+$58）💗由服务生帮我哋切开又香又脆嘅酥皮，然后拌一下芝士和鸡件～芝士拉丝好邪恶啊！鸡好滑嫩入味，原来麻辣同芝士好鬼夹👍🏼正呀！
食完鸡煲就准备打边炉，汤底拣咗「胡椒猪肚汤」，胡椒味好香浓，入面仲有好多猪肚～
C餐包咗海鲜盘一客，当日有鲍鱼丶日本扇贝丶青口丶海虾丶贝类～另外仲有超巨大嘅大头虾，全部都好新鲜。大头虾好多膏😋啖啖肉鲜甜无比！
我哋再落单点咗可以任点嘅广岛蚝～超大只又鲜甜。
肉类方面～包咗一客大大份「美国牛肉大满贯」，当中有美国封门柳丶澳洲M4和牛丶极上安格斯牛小排⋯其中最钟意澳洲和牛嫩滑之余，肉味也香浓。
而另外仲有可无限任点嘅牛板腱丶雪花肥牛丶牛胸爽丶金钱展⋯可以一次过食咁多唔同嘅牛部位，钟意食牛嘅真系超满足！
出边自助区除咗有各种配料：丸类丶面食丶蔬菜之外，仲有～前菜丶炸物丶甜品丶冰淇淋丶饮品⋯甜品选择都几多，有木桶豆腐花丶台式芋丸丶烧仙草…仲有超可爱嘅迷你马卡龙。真系食到捧住个肚。
张贴
