丼丼屋 (已結業)

呢间「丼丼屋食堂」其实真系同我屋企隔得两条街,佢未开张就已经谂住会去试下, 不过苦无机会。近日一家之「煮」── 我呀妈回左乡, 屋企无人煮饭,又撞正前两日出左粮,所以终于同呀妹两个人走上去食好野。因为见之前D食评话好早要等位,所以系唔想等既原因之下未够6点已经到左。就系咁好彩赶得切落TEA SET (真系平好多)我叫既系咖哩猪柳定食虽然只有2块猪柳, 但系食落唔「鞋」唔韧,再加埋本人大爱既咖哩汁一D都唔少, 所以绝对值得。呀妹叫左牛肉乌冬睇落够大碗, 抵食! TEA SET可以加$$加小食, 所以为食如我立即加左碟芝麻鸡翼见到之前D食评话苹果茶正, 二话不说, 点! 之后再点多两个小食 (本人承认我的胃口真的很大) 加$10的雪糕应要求最后送上, 可惜TEA SET 雪糕不能挑选糖浆,店员说今天是朱古力浆, 不过本人仍然觉得只有绿茶才能配上红豆... 两个人食左差唔多$200, 不过系两个人都捧住个肚走,真系大满足呢~~~~~另外, 其实间铺又真系几细, 数埋都唔知有冇20张枱,连埋BAR枱位, 可能都唔够80个位。奉劝想帮衬既朋友都系早D到比较好, 唔系既分分钟有排等。