影片
2017-05-04
1884 浏览
早几日约咗个中同去食放题，地方自然又系兆万中心。系兆万楼下望咗阵，见大家都未食过八幡屋，咁咪去试下新野。一入到去，环境几企理，同埋望到啲摆设几有日本feel，尤其一大堆日本酒既陈列，感觉似日本料理多于放题，第一印象已经几好。一开始就点左啲前菜，例如一口胡麻冷豆腐同埋将军沙律。冻豆腐既size就真系一口岩岩好，可以放心咁填多啲，唔惊佢成盆豆腐咁上。豆腐配胡麻汁加上木鱼丝几唔错！将军沙律原来系温泉蛋配沙律，食之前搞均只温泉蛋同埋啲蔬菜，再连埋甜甜地既芝麻酱，口感清新同独特！试完呢啲开胃前菜，梗系开餐食多啲啦！因为我中学同学唔食得生冷野，得我一个人食，唯有今次点少啲。烧物方面，点咗盐烧牛舌、盐烧鸡中翼、窑烧猪颈肉仲有烧粟米。当中个人最好烧牛舌，次次食放题都必点！上台既时候已经烧辣辣，肉质弹牙，唔会似烧左十世既牛舌干咁，呢个牛舌几值得推介！另外，猪颈肉个啲都唔错。黎到食放题，点少得寿司同刺身，可惜个中同唔舒服，唯有我食埋佢个份啦！因为有升级既关系，多左唔少选拣。于是，一口气点左海胆手卷、鳗鱼八幡卷、芥末八爪鱼军舰、花之恋，仲有升级先有既油甘鱼刺身、珍宝带子刺身同埋珍宝赤虾刺身。因为升级关系，睇
早几日约咗个中同去食放题，地方自然又系兆万中心。系兆万楼下望咗阵，见大家都未食过八幡屋，咁咪去试下新野。一入到去，环境几企理，同埋望到啲摆设几有日本feel，尤其一大堆日本酒既陈列，感觉似日本料理多于放题，第一印象已经几好。
一开始就点左啲前菜，例如一口胡麻冷豆腐同埋将军沙律。冻豆腐既size就真系一口岩岩好，可以放心咁填多啲，唔惊佢成盆豆腐咁上。豆腐配胡麻汁加上木鱼丝几唔错！将军沙律原来系温泉蛋配沙律，食之前搞均只温泉蛋同埋啲蔬菜，再连埋甜甜地既芝麻酱，口感清新同独特！
试完呢啲开胃前菜，梗系开餐食多啲啦！因为我中学同学唔食得生冷野，得我一个人食，唯有今次点少啲。
烧物方面，点咗盐烧牛舌、盐烧鸡中翼、窑烧猪颈肉仲有烧粟米。当中个人最好烧牛舌，次次食放题都必点！上台既时候已经烧辣辣，肉质弹牙，唔会似烧左十世既牛舌干咁，呢个牛舌几值得推介！另外，猪颈肉个啲都唔错。
黎到食放题，点少得寿司同刺身，可惜个中同唔舒服，唯有我食埋佢个份啦！因为有升级既关系，多左唔少选拣。于是，一口气点左海胆手卷、鳗鱼八幡卷、芥末八爪鱼军舰、花之恋，仲有升级先有既油甘鱼刺身、珍宝带子刺身同埋珍宝赤虾刺身。因为升级关系，睇得出有花下心思砌，几好！油甘鱼食得出真系新鲜野黎，带子同埋赤虾的确系珍宝份量同埋味道鲜甜！
当然升级后唔止刺身既，仲有烧羊架、烧味醂鱼干同盐烧油甘鱼头之类，多左唔少选拣。羊架几肥美同埋唔会冇咗阵羊膻味。烧味醂鱼干可以当系啲开胃同埋配菜既小吃。
而炸物，梗系点都要试下芝麻鸡翼，因为芝麻鸡翼好难整得难食。如果间舖连芝麻鸡翼都炸唔好，就真系要改善下。食落，上台系岩岩炸完，够热辣辣，味道唔错既！仲有点埋番薯仔天妇罗，南瓜天妇罗同埋鸡软⻣。
中同选左豚肉生姜烧，二人位量黎讲，出乎意料地多，同埋啲猪肉肥肥地兼够哂入味，几好食，成碟都清得七七八八。
最后，本住咩都哂既心态，有点埋豉汁炒蛏子、芝士大虾金龙船、十胜红豆牛奶布甸、焦糖菠萝同埋芒果布甸等等。当然，如果红豆可以少甜就更好，而个牛奶布甸的确几好食！同埋呢度既侍应，态度都几好，同埋换碟既速度算快，唔会成堆碟堆埋一齐。
查看之前的留言 ()
张贴
