影片
更多
2018-10-30
79 浏览
位于屯门嘅Appetit Desserts系一家西式甜品店，餐厅以灰白色为主调，感觉简单洁净。 除左有各式各样嘅西式甜品之外，亦有售台湾小食同面食，晚餐同甜品可以系同一间餐厅搞掂晒~~同朋友一行四人嚟到食晚餐，所以点左好多饮品同食物。每人先点左一杯饮品：综合水果茶，水果材料好丰富，有菠萝、火龙果、柠檬、鲜橙等等，茶味好浓带点涩味，水果嘅甜中和左佢，啱啱好！芝士奶盖蜂蜜绿茶，奶盖质地比较稀薄，但都几够芝士味，蜂蜜绿茶甜度刚好。蓝•碟豆花玫瑰荔枝梳打，卖相满分，最啱影相呃like，渐变色层主要由碟豆花造成，玫瑰荔枝入口好清新清甜。芒果椰奶冰，椰奶味好重，中间仲有芒果肉，大推荐啊，芒果椰奶迷绝不容错过！台湾肉燥捞赞岐乌冬，肉燥唔会太咸，配上滑溜溜的赞岐乌冬，好味又饱肚。酥炸花枝丸Q弹鱼蛋，花枝丸内含有粒粒墨鱼肉，真系好爽口弹牙。综合台湾香肠，口味分别有原味、香蒜同埋墨鱼。盐酥鸡，炸粉系薄薄的一层并唔会太厚，内里包裹着嫩滑的鸡肉，好咸香，又惹味！酥炸鸡软骨，炸得好出色一啲都唔油腻。台湾直送手抓饼，呢个都系推荐咸食之一！酥脆香口嘅手抓饼分别包住吞拿鱼沙律同芝士餐蛋，馅料多到满泻啊，简单嘅材料已经
同朋友一行四人嚟到食晚餐，所以点左好多饮品同食物。每人先点左一杯饮品：
综合水果茶，水果材料好丰富，有菠萝、火龙果、柠檬、鲜橙等等，茶味好浓带点涩味，水果嘅甜中和左佢，啱啱好！
芝士奶盖蜂蜜绿茶，奶盖质地比较稀薄，但都几够芝士味，蜂蜜绿茶甜度刚好。
蓝•碟豆花玫瑰荔枝梳打，卖相满分，最啱影相呃like，渐变色层主要由碟豆花造成，玫瑰荔枝入口好清新清甜。
芒果椰奶冰，椰奶味好重，中间仲有芒果肉，大推荐啊，芒果椰奶迷绝不容错过！
台湾肉燥捞赞岐乌冬，肉燥唔会太咸，配上滑溜溜的赞岐乌冬，好味又饱肚。
酥炸花枝丸Q弹鱼蛋，花枝丸内含有粒粒墨鱼肉，真系好爽口弹牙。
综合台湾香肠，口味分别有原味、香蒜同埋墨鱼。
盐酥鸡，炸粉系薄薄的一层并唔会太厚，内里包裹着嫩滑的鸡肉，好咸香，又惹味！
酥炸鸡软骨，炸得好出色一啲都唔油腻。
台湾直送手抓饼，呢个都系推荐咸食之一！酥脆香口嘅手抓饼分别包住吞拿鱼沙律同芝士餐蛋，馅料多到满泻啊，简单嘅材料已经好好味。
炙烧焦糖布蕾日式疏乎厘班戟，质感轻盈松软的班戟充满蛋香，面上烧得香脆的焦糖同pancake好夹，好正啊！
珍珠奶茶窝夫，系店舖特别研发的，厚身的窝夫加上奶茶酱同珍珠粒，感觉好似饮紧珍珠奶茶咁。
Oreo日式疏乎厘班戟，pancake上加左大量oreo碎，忌廉略嫌多左少少。
整体都系几好味，甜品控嘅我哋，真系好满足！
张贴
