元気寿司 (秀茂坪商場)

营业中

休息中

由细到大都好钟意食元气，尤其系做咗会员之后，攞位变得更加方便，所以间唔中会同屋企人去食。娘亲唔食生嘢，所以叫咗一啲熟食，例如带子裙边、炸虾寿司、炸软壳蟹。带子裙边入味，亦够晒嚼劲。炸虾寿司十蚊大大只虾，最抵系佢。炸软壳蟹虽然价钱唔平，但比起手卷，蟹嘅份量多好多倍，所以其实几抵。我哋每一次食都系新鲜炸起，热辣辣，亦唔怕有油溢味。辣味三文鱼手卷亦真系名不虚传，辣味酱料以及蛋黄酱，配上充满油脂嘅三文鱼真系Perfect match。我哋亦叫咗一啲火炙寿司，无论系黑椒定系芝士都非常好味。