岩盤牛扒ミディアムレア ステーキ (Greenery Plaza ) (已結業)

一直觉得大埔有好多特色美食，今日就食下呢一间牛扒。由门口望入去已经见到位置唔算多，但门外有一个清晰嘅餐牌，第一步先选咩部位既牛，再选择要几多g，最少要由200g叫起，每g都根据餐牌上面列出嘅价钱去计算。第二部就系要选择用咩调味料烹调，分别有洋葱油，蒜油同葱油。然后如果你要1 个set加28蚊就可以任选三项配料，例如有沙律汽水温泉蛋等等。我就选择300g后腰三角肉，牛板腱同可乐店员有温馨提示扒三成熟放上铁板会有五成熟，所以我地系叫三成熟。当自己拎餐既时候，见到块扒真系哇左一声！性价比好高呀😍😍份量好足，而且牛唔会太干，锁得住肉汁，最重要既系蒜油配合薄切既牛，牛味更加突出另外，提供左一个秘制酱汁，系另一个新鲜配搭，比较fresh。两款牛比较之下，后腰三角肥瘦均匀，所以食起上嚟系比较淋身，牛板腱则比较硬身，所以可以按个人喜好去选择食完牛再饮可乐，感觉一日嘅疲劳都消除晒，好爽呀