逸之燒 (已結業)

今日放工，同朋友又去左呢间传统既日本居酒屋食饭。餐厅内外面嘅布置令我觉得置身于日本咁，令人心情放松，座位宽敞，坐得很舒服。 每次食日本菜，烧物、寿司同埋锅物都系必食，咁样先够喉。 我地先叫个蟹籽沙律，上面铺满满的蟹籽，加上沙律酱一齐食，味道好夹！ 然后到手卷及寿司，叫左鳗鱼同带子手卷。鳗鱼比较甜，夹住紫菜卷恰到好处。大大粒带子爽口，新鲜，值得一试！因为我比较钟意食蟹籽, 所以叫左个加州反卷，口感十足！ 呢间餐厅最出名既应该系各式各样嘅串烧，我地叫左豚肉荔枝串、菠萝串、冬菇串、烧蕃薯仔。豚肉荔枝串坚多汁，咬落去荔枝汁充满成个口腔，令到肉味更加突出，一啲都唔腻，正! 菠萝同冬菇串烧得刚好，不会太干，蕃薯仔够哂甜！ 最后食埋个皇帝蟹炒饭和牛小排寿喜烧，坚满足！皇帝蟹炒饭分量适中，饭粒干身不油腻，加埋蟹肉，简直一流。寿喜烧同其他日式餐厅一样，先放个gas炉, 再整锅上加热，锅里面有包心菜等配料，牛肉嫩滑高质！ P.S. 呢间餐厅估唔到有我小时候喜欢喝的波子汽水, 爽!