川燒 (已結業)

孜然，烧烤食品嘅佐料，口感风味独特，气味芳香浓烈，能解除肉类嘅油腻。此外，于中医角度，孜然适用于消化不良同胃寒、腹痛等症状。川烧，一个中国风的名字，虽然唔知同四川有冇关系，但就大量用上孜然呢种大漠风情嘅佐料。串烧小店环境比较狭窄，似带有中国风嘅居酒屋。西班牙橡果黑毛猪，日本黑豚露笋卷，川烧薄饼同BB猪肋骨都用上孜然做调味，口味独特芳香，好似食紧新疆羊肉咁，味道好特别。川烧薄饼虽然只有薄薄嘅饼皮，但孜然配上洋葱芝麻口味独特。BB猪肋骨通常用上西式煮法，但配上孜然有另一种食法。黄金烧大虎虾用上咸蛋黄酿入虎虾背，肉质爽口非常冶味。烧鲜白鳝肉厚油足，配上薄薄脆口嘅鳝皮，冇得输。黑松露烧腐皮温泉玉子，甜甜嘅腐皮配上微咸嘅黑松露同温泉蛋，口味复杂以及可中和烧烤嘅热气。法式烧绵花糖朱古力厚多士，中间夹上香蕉，绵花糖朱古力香蕉嘅甜味配上厚多士嘅咸脆味，口味复杂特别。