好景海鮮酒家 (已結業)

今日山长水远入大澳，揾个地方医肚先。喺永安街见到呢间好景海鲜酒家，一眼睇哂，一共十张枱，望落都干净企理既。呢度有精选套餐，喺22款𩠌拣2，3或4款𩠌，送白饭，分别系$198，$298，同$398。设加一，另收茶钱，每位$4。黎得大澳，梗系拣海鲜食，所以我哋全部𩠌都拣哂海鲜。椒盐中虾有八只，有大有细。够哂椒盐味，要𩠌饭食。d壳好脆，食埋都得。虾肉都算鲜甜嘅。虾酱炒鲜鱿，鱿鱼份量麻麻地，虽然虾酱味好香，但系唔太新鲜，完全唔脆口。西芹就好多，爽甜西芹加埋虾酱嘅咸味，调得好啱味。清蒸鱼壹条，居然系一条咁细条既䲝鱼，肉薄又唔鲜，食落似雪藏，唔掂。总括而言，套餐嘅海鲜唔多掂，失望。