大澳德發 (已結業)

男朋友呢晚带咗我去北角食大澳菜，听到都觉得特别。食中菜系我嘅最爱，估唔到喺北角都可以食到大奥菜。 餐厅嘅装修都几特别，虽然有啲茶餐厅嘅风格，但系就装得好中式味道。而且座位之间都相当阔落。 餐牌图文并茂，方便食客拣食。 我哋叫咗《三弄脆皮咸猪手》，大大碟，猪手烧到外皮卜卜脆，内层先嫩。配埋沙律酱，味道一流。 《海皇豆腐煲》 鱿鱼、豆腐、虾、鱼腩捞埋一煲。上枱嘅时候热辣辣，海鲜肉鲜嫩，大大件，真系十分惹野，送饭一流。 《西兰花炒带子》，大大粒嘅带子，加上西兰花炒得够镬气，见到都已经流晒口水，当然唔可以少得白饭呢个好拍档啦。 饮品我叫咗一杯冻《红豆冰》、一杯热嘅《柠檬薏米水》，红豆冰既红豆唔会好硬，入口够嚼劲，美食配红豆冰，我自己都觉得邪恶。