影片
更多
2024-04-22
336 浏览
〚 ☕️ 大澳景观打卡都一流嘅Café 〛每次去大澳都会俾啲小食吸引咗，虽然今次都系有买啲茶粿返去，但系男朋友心血来潮话想揾Café坐低休息吓，于是就近拣咗呢一间Café，可以话地理位置同景观都系一流。‣ Truffle Prawn Toast $100佢嘅虾多士应该系最出名，个个都拎嚟打卡。咬落去嘅时候热辣辣，而且个虾肉都好厚，除咗我嫌佢感觉油腻咗少少之外，其实都算唔错，做到外脆内软，咬落去啖啖肉，侧边啲芝麻突显到成份虾多士嘅香。所谓嘅黑松露味，又唔算好突出，不过呢个价钱值唔值得食就真系见仁见智。‣ Madagascan Vanilla Ice cream $45本身谂紧究竟马达加斯加嘅云呢拿雪糕会唔会零舍特别，结果其实系唔会，味道同其他gelato雪糕都差唔多。但系平心而论个雪糕球系几好食，冰感唔会话好强，我钟意佢绵密软滑嘅感觉。啲云呢拿味都好浓郁，食得出有香草籽嘅味道，而唔系单纯嘅云呢拿精油。
每次去大澳都会俾啲小食吸引咗，虽然今次都系有买啲茶粿返去，但系男朋友心血来潮话想揾Café坐低休息吓，于是就近拣咗呢一间Café，可以话地理位置同景观都系一流。
‣ Truffle Prawn Toast $100
佢嘅虾多士应该系最出名，个个都拎嚟打卡。咬落去嘅时候热辣辣，而且个虾肉都好厚，除咗我嫌佢感觉油腻咗少少之外，其实都算唔错，做到外脆内软，咬落去啖啖肉，侧边啲芝麻突显到成份虾多士嘅香。所谓嘅黑松露味，又唔算好突出，不过呢个价钱值唔值得食就真系见仁见智。
‣ Madagascan Vanilla Ice cream $45
本身谂紧究竟马达加斯加嘅云呢拿雪糕会唔会零舍特别，结果其实系唔会，味道同其他gelato雪糕都差唔多。但系平心而论个雪糕球系几好食，冰感唔会话好强，我钟意佢绵密软滑嘅感觉。啲云呢拿味都好浓郁，食得出有香草籽嘅味道，而唔系单纯嘅云呢拿精油。
张贴
