大澳德發 (已結業)

行完山经过砲台山见到呢间大澳德发当然要试试啦，由于疫情关系，人不多，好快安排座位，而家出街食饭成日都好似包场咁，希望疫情尽快过去，大家回到正常生活。我地叫左个大澳特色虾干虾酱肉眼根笼仔荷叶蒸饭$128， 好大笼兼份量足够，好多肉，虾干，三个人都够食，我地两个人慢慢食，好彩最终都食哂唔驶嘥嘢。另外叫左个小炒王，有水准之余，惊喜系份量好大，又有鲜虾比较特别，蒜心好多，食极都有，唔孤寒，好难得，仲要收$78蚊，抵。最好系送两碗例汤，但一啲都唔例水，完全系真材实料老火汤，令人意外。由于疫情关系，食满100蚊送50，200蚊送100，仲要一张过，唔迫你分几次食，一个月之内再食，食110蚊只需俾10蚊，值得支持小店。