大澳德發 (已結業)

谢菲道成条街都有好多好多食肆, 有地铺, 有楼上铺。大澳德发仲犀利, 系地铺连楼上铺添。应该系主打大澳水上人家小菜, 闲日去唔到大澳就入去试下有冇分别先。餐厅好阔落, 好多卡位, 我见楼下有私人房间, 都可以容纳两张枱, 餐厅内有电梯可达二楼, 带老人家去食都唔使担心!餐牌好有特色, 犹如一本护照, 有多款套餐, 总有一款啱你的。卜卜蚬煲$168系必食之选, 咁就叫个黎试试, 虽然价钱有D贵, 不过, 原来D蚬好大只, 亦有好多, 即刻觉得抵番!仲要逐只逐只开出黎见我, 一粒沙都冇, 好快就KO咗成煲！当我地倒番D壳落煲, 个店员即刻过黎话:会倒碗饭落个煲内索埋D汤架😱😱...吓!又唔早讲⋯⋯第一次食咋, 我地唔知㖞, 唯有下次再食嘅时候才试。希望佢地会提一提D客啦~免得浪费嘛。三弄脆皮猪手+ 大澳海味杂菜煲$288, 我地觉得黎个孖宝最抵食, 都唔去理会有几多弄, 果真系皮脆肉嫩, 咸咸香香, 脆脆滑滑, 送啤酒一流!鱼汤煮嘅什菜, 正好中和一下味蕾, 完美完美