影片
更多
2015-10-05
2105 浏览
今日就约左我个闺蜜去旺角大瀛喜食个放题, 见我个闺蜜咁诚意推介, 咁就同佢去试下, 还掂一出旺角地铁站就系。一入去座无虚席, 已经食9点场, 都仲系人头涌涌呀, 环境都几阔落, 就算咁多人都唔觉得好逼。一坐低我梗系唔执输快快手画野食啦。Staff数量好够, 一举手己经有人过来, 野食都上得好快, 最重要系我食左2个几钟一张单都冇漏过! 呢样真系好抵赞!!食放题第一样梗系睇鱼生ge质素啦, 鱼生全部都系坐冰上枱, 仲摆得好靓, 令人食指大动, 2个女仔就真系食唔到几多野啦, 所以我地都系乜都试下。呢间舖最得意坐冰上鱼生之余仲会俾个心形ge冰你, 真系第一次见咁得意ge装饰。(就算我叫10件甜虾都坐冰上, very nice)三文鱼同甜虾都好正, 一D雪味都冇, 同埋唔会有个种岩岩系雪柜拎出来硬掘掘ge感觉。 三文鱼系超厚切, 仲会上三文鱼腩俾我, 非常抵食呀!!! 甜虾非常鲜甜, 上枱个阵已经挑走左个D筋同肠, 唔会再食食下有条黑色ge肠同腥味系到, 大大件咁摆落口真系冇得顶!!接住落来就试下D寿司, 款式唔算特别多, 但系高质素同埋系出面寿司舖卖ge贵野。 有帆立贝, 左口鱼边呢类贵野
一入去座无虚席, 已经食9点场, 都仲系人头涌涌呀, 环境都几阔落, 就算咁多人都唔觉得好逼。
一坐低我梗系唔执输快快手画野食啦。Staff数量好够, 一举手己经有人过来, 野食都上得好快, 最重要系我食左2个几钟一张单都冇漏过! 呢样真系好抵赞!!食放题第一样梗系睇鱼生ge质素啦, 鱼生全部都系坐冰上枱, 仲摆得好靓, 令人食指大动, 2个女仔就真系食唔到几多野啦, 所以我地都系乜都试下。呢间舖最得意坐冰上鱼生之余仲会俾个心形ge冰你, 真系第一次见咁得意ge装饰。
(就算我叫10件甜虾都坐冰上, very nice)三文鱼同甜虾都好正, 一D雪味都冇, 同埋唔会有个种岩岩系雪柜拎出来硬掘掘ge感觉。 三文鱼系超厚切, 仲会上三文鱼腩俾我, 非常抵食呀!!! 甜虾非常鲜甜, 上枱个阵已经挑走左个D筋同肠, 唔会再食食下有条黑色ge肠同腥味系到, 大大件咁摆落口真系冇得顶!!
接住落来就试下D寿司, 款式唔算特别多, 但系高质素同埋系出面寿司舖卖ge贵野。 有帆立贝, 左口鱼边呢类贵野, 即刻画多几件先! 帆立贝好大件好厚, 都系个句呀, 一D雪味都冇, 又唔会好似岩岩解冻完水汪汪咁上, 之后我都翻叫左好多件!
卷物我就叫左天妇罗虾卷,芝士鳗鱼卷,大瀛喜卷。首先虾卷粉红色外表已经令我好心动, 仲要只虾咁大只, 天妇罗粉唔会太多, 食落啖啖肉! 鳗鱼烧得岩岩好, 热辣辣咁上, 鳗鱼汁都系热ge, 所以唔会食到个汁系冻冰冰但系旧鱼系热ge奇怪感觉!
再来就系叫大瀛喜卷, 见个名咁得意就叫来试下, 令人出乎意料! 睇落好似普通杂锦卷, 但系食落去就觉得个配搭好得意, 鳗鱼ge甜味唔会同青瓜黄萝卜撞到奇奇怪怪, 反而仲带出鳗鱼味道! 整体来讲呢到ge卷物都好足料, 唔会好似净系食饭咁!! 抵食呀!!
食到咁上下就叫下炸物, 试左佢推介ge芝麻鸡翼, 感觉普普通通啦, 鸡翼偏瘦, 不过唔知佢系咪加左其他酱料去煎, 除左芝麻香味之外仲食到一阵甜甜地ge味道, 都值得一试!
反而个一口芝士真系俾惊喜我, 芝士味超浓呀! 个皮又薄, 入面又劲足料, 更重要系热得来唔会烫口, 成旧放落口都仲得!!(注意:好饱肚)
天妇罗紫薯一睇就知皮薄馅靓啦, 真系有一阵蕃薯甜味, 唔会好似食紧薯仔咁, 佢仲炸得好冧, 唔会硬掘掘食紧D半熟薯仔咁!!
最后就试下佢D甜品, 我地叫左木糠布甸,芒果糯米糍同奶冻。 木糠布甸不过不失啦, 但我闺蜜一野扫左佢, 我想食多啖都冇呀!! 奶冻就有少少失望, 奶味偏少反而食到好大阵呍呢拿味, 但质感都几滑唔会太硬! 芒果糯米糍就正啦! 非常足料, size唔大但成旧都系芒果, 冇得顶!! (食左几件!!)今次对大瀛喜印象非常之好呀! 一定一定会再去食! 要试晒佢8张纸入面ge野食!! 唔漏单呢样真系Iamteacher非常好, 终于唔使再催单催到成肚气!! Excellent!
张贴
