灜鐵板燒

营业中

休息中

一入到去就闻到好香嘅铁板烧味，师傅烹调得十分认真，大火下仍能做到外焦内嫩，除大饱眼福外更加系真心佩服🙌🏻🍽辣汁魔鬼鱼热气腾腾香气扑鼻令人食指大动🤤浓郁香气历久不散，鱼皮烧得焦香脆口。轻轻一拉就可以轻松咁将鱼肉一丝丝咁撕开，鱼肉滑身好软熟。辣汁好香唔系死辣，辣度算系小辣，唔会太过刺激。🍽烧甘鲷连鱼鳞一同烹煮，从而令其做到层层立起嘅效果😍鱼鳞口感好得意，酥香可口，鱼肉柔软细滑。🍽黄金银鳕鱼铺咗一层厚厚嘅咸蛋黄，而唔系就咁薄薄嘅粉粒。临享用前师傅仲烧咗一下表面，令咸蛋黄更能渗入银鳕鱼肉身。鱼肉厚实，完全冇雪藏味，咸蛋黄嘅惹味冲击过后系银鳕鱼嘅甘甜奶香😋