影片
更多
2023-03-11
197 浏览
呦呦鹿鸣布丁烧 Deerlicious Pudding📍尖沙咀弥敦道132号美丽华广场1期地下Kiosk LG-B2唔知大家有无食过布丁烧呢？见就见得多，食我真系第一次！听闻呢间布丁烧大有来头，话去葵广扫街必食，所以去Mira Place几次都想食，无奈之前疫情严重，喺街食唔系咁方便，所以一路都无试到。但最近放宽咗，我哋今次行过就决定要叫两个立食，店员好细心咁帮我哋即场倒出嚟食，够晒冻够晒新鲜！呢间店嘅老板系一对夫妇，佢哋专程去台湾学师，将布丁烧带嚟香港，仲开咗4间分店！每个布丁烧都系由焦糖布丁加日式芝士蛋糕合制而成，每一啖都食到两种甜品，口感一软一滑，出奇哋夹！加上每一个布丁烧都印有可爱嘅图画同贴地字句，令人未食先兴奋！除咗一个个散卖，我见佢哋仲有推散水饼，鬼马嘅字句如「走先啦系咁先啦」同「Goodbye to me」够晒吸晴，而且价钱唔贵，如果有边日要派散水饼都可以考虑下支持小店！ 💰$38忘忧唂布丁烧 🍫🍮呢款浓醇朱古力布丁烧系用咗堪比Hermes嘅高级朱古力去整，70%cocoa嘅浓度啱晒爱食朱古力我！ 💰$38椰爷布丁烧 🥥🍮呢款招牌布丁烧用咗新鲜泰国椰青去整，食落除咗有蛋香
📍尖沙咀弥敦道132号美丽华广场1期地下Kiosk LG-B2
唔知大家有无食过布丁烧呢？见就见得多，食我真系第一次！听闻呢间布丁烧大有来头，话去葵广扫街必食，所以去Mira Place几次都想食，无奈之前疫情严重，喺街食唔系咁方便，所以一路都无试到。但最近放宽咗，我哋今次行过就决定要叫两个立食，店员好细心咁帮我哋即场倒出嚟食，够晒冻够晒新鲜！
呢间店嘅老板系一对夫妇，佢哋专程去台湾学师，将布丁烧带嚟香港，仲开咗4间分店！每个布丁烧都系由焦糖布丁加日式芝士蛋糕合制而成，每一啖都食到两种甜品，口感一软一滑，出奇哋夹！加上每一个布丁烧都印有可爱嘅图画同贴地字句，令人未食先兴奋！
除咗一个个散卖，我见佢哋仲有推散水饼，鬼马嘅字句如「走先啦系咁先啦」同「Goodbye to me」够晒吸晴，而且价钱唔贵，如果有边日要派散水饼都可以考虑下支持小店！
[价钱 Price]
💰$38
忘忧唂布丁烧 🍫🍮
呢款浓醇朱古力布丁烧系用咗堪比Hermes嘅高级朱古力去整，70%cocoa嘅浓度啱晒爱食朱古力我！
[价钱 Price]
💰$38
椰爷布丁烧 🥥🍮
呢款招牌布丁烧用咗新鲜泰国椰青去整，食落除咗有蛋香味，仲有清新嘅椰子味同椰肉粒粒，三重享受，我位爱试特别口味嘅朋友大推！
张贴
