韓味屋 (已結業)

北角丹拿道人气韩式小店韩味屋。呢间舖头我由佢一间开始食,食到佢有斜对面有另一间分店, 食物质素其实唔算话太高但系胜在抵食夹大件。 好耐未嚟过,冇为意今日出面气温30度,叫左个牛肋骨汤定食, 最后食到个人兴合合出晒汗, 立定决心冬天先至再嚟食。环境方面其实后面好细成间餐厅望埋去应该净系坐到廿个人左右所以门口成日都会有人排队等入座尤其是一点打后排队嘅情况经常发生如果你要唔想排队就要做佢第一个客就系差唔多十二点钟要嚟食, 位与位之间亦都好狭窄空间有限, 同埋食完佢会拿拿淋同你执晒啲嘢想讲你走咁嘅样所以如果你要食环境呢度就一定系唔啱你嘅。同一般韩式舖头一样,佢有前菜畀你拣,一个人呢可以拣三款小食,用一个碟仔上齐, 食完第一次可以refill第二次可以拣另外三样小食所以真系好多选择, 大部分前菜嘅味道都几好例如薯仔,生菜,鱼仔,都系我心水之选。至于今次个牛骨汤,我就真系冇乜心机写食评,因为大热天时个汤热辣辣食到我出晒汗完全盖过晒我啲味觉, 建议舖头要改善下佢嘅冷气。