La Piazza (已搬遷) 新店位置

难得周末可以出外揾食知道坑口附近有间西餐几唔错, 谂住去一试去到门口, 望入去得2台, 心谂正, 唔洗等位一开门入去, 侍应哥哥即刻伸大5只手指STOP我问我有冇BOOK 位, 我话无, 跟住叫我企出去本来都OK, 唔知要BOOK位等左10分钟佢出黎话无BOOK位只可以坐出面, 我话咁热点食?佢开左个风扇但根本无乜风, 有风都系热风坐系出面既感觉, 就系不停会有途人经过, 之后用奇怪目光望住你比著系我, 三十几度坐系室外流晒大汗, 身边重有几只野飞黎飞去咁样食西餐, 我都唔想谂番起全程都系果D汤, 主菜, 咖啡汤一般, 主菜叫左西冷, 块肉根本无味, 又好大条根, 失败之作友人叫左个意粉, 不过不失食野途中想叫人加水之类, 唔好意思, 系无人会理你你要行番入间铺, 不停挥手, 个哥哥过一阵先会行出间铺服务你而我食完之后, 吉既位仍然系吉既, 唔知系唔系个客BOOK位可以包佢全日场?我系唔会再去帮衬。