雲石小姐 (已搬遷) 新店位置

出发去staycation 前，想揾个地方饮杯野提下神，而云石小姐饮品好吸引，除咗咖啡仲有茶或者梳打，选择性较多，顺便想试吓大热汽水罐蛋糕🍰Honeycomb Coffee焦糖脆脆咖啡$48味道较甜，适合喜欢甜嘅朋友仔，上面嘅焦糖脆脆会慢慢溶化，溶入咖啡，令咖啡味道更香口。波波冰白桃梳打$48一粒粒嘅波波冰，行左好耐都未溶，淡淡薄荷叶香味，少少甜嘅白桃打底，搅匀之后好清甜，一杯梳打多重口感。比利时特浓朱古力脆脆汽水罐$78推介！浓浓嘅朱古力味，一层蛋糕一层cream ，仲有朱古力脆脆，特别在于汽水罐，除咗外型可爱，仲可以用匙羹食，超级方便！整体而言唔错，特别喜欢佢嘅汽水罐蛋糕，本身想食芋泥味但系已经卖晒，下次要买来试吓，饮品款式出边少见。