影片
更多
2011-03-21
159 浏览
上星期师傅终于不敌病魔, 打了场败仗, 所以亦趁机休息左几天; 但喺未休息前, 师傅还是需要食饭医肚, 加上见病病地, 就谂住清清地食碗粥, 忽然间师傅脑海浮现出呢间食店, 每次经过都大排长龙, 好似好架势咁, 就值著呢一次, 师傅决定会一会, 睇下系咁咁耍家先!大约十二时零五分去到食店, 店内已经高朋满座, 师傅虽然一支公, 还得在门口等一等, 可幸等候时间唔长, 店员安排师傅坐底后, 望下餐牌就打算落单, 本来打算柯打一碗白粥, 但为免个口越食越淡, 所以最后还是拣左皮蛋瘦肉粥, 配上呢间食店驰名的炸两; 落完单再望下其他食客, 见有甚多食客拣选炒面, 师傅有见及此, 即刻补多张飞, 加多碟炒面! 皮蛋瘦肉粥胆拖大热炸两同次热炒面, 一胆两脚呢次都应该冇死; 话都冇咁快皮蛋瘦肉粥率先登场, 而炒面亦都唔慢, 稍为等得耐的竟然系炸两; 于是师傅即刻试下碗粥, 皮蛋瘦肉粥嘅粥底都算绵, 但未算好绵, 相比下师傅觉得七喜的粥底更加绵, 可幸味道清淡, 冇味精, 入口都十分舒服; 皮蛋水准属于一般, 当然唔系糖心, 亦一如以往的皮蛋有重金属味, 师傅觉得一普通; 瘦肉相对地令师傅十分惊喜,
大约十二时零五分去到食店, 店内已经高朋满座, 师傅虽然一支公, 还得在门口等一等, 可幸等候时间唔长, 店员安排师傅坐底后, 望下餐牌就打算落单, 本来打算柯打一碗白粥, 但为免个口越食越淡, 所以最后还是拣左皮蛋瘦肉粥, 配上呢间食店驰名的炸两; 落完单再望下其他食客, 见有甚多食客拣选炒面, 师傅有见及此, 即刻补多张飞, 加多碟炒面!
皮蛋瘦肉粥胆拖大热炸两同次热炒面, 一胆两脚呢次都应该冇死; 话都冇咁快皮蛋瘦肉粥率先登场, 而炒面亦都唔慢, 稍为等得耐的竟然系炸两; 于是师傅即刻试下碗粥, 皮蛋瘦肉粥嘅粥底都算绵, 但未算好绵, 相比下师傅觉得七喜的粥底更加绵, 可幸味道清淡, 冇味精, 入口都十分舒服; 皮蛋水准属于一般, 当然唔系糖心, 亦一如以往的皮蛋有重金属味, 师傅觉得一普通; 瘦肉相对地令师傅十分惊喜, 皆因瘦肉十分滑身, 唔干唔老, 同一般嘅皮蛋瘦有好多分别, 所以都算唔错!
至于炒面就绝不做作, 除了银芽外就冇其他配料, 简简单单, 加上炒得十分够镬气, 面身爽口, 味道亦洽到好处, 唔需要加甚么酱料已经好好味, 加上银芽爽身亦唔腥, 整体水准不俗, 唔怪得咁多食客都有柯打啦! 最后系大热炸两, 炸两配上少少豉油已经十分吸引, 皆因肠粉够滑, 而内里嘅油炸鬼又够脆, 外滑内脆, 非常出色, 绝对系必食之选!
总括黎讲食物质素颇佳, 服务态度亦可, 环境就比较细小挤逼, 价钱亦算合理, 三款食物, 十九蚊一碗粥, 十一蚊炸两, 八蚊碟炒面, 埋单三十八蚊, 喺呢个环头算得上合理, 不过不能叫抵食! 呢条一胆两脚连赢果然大热跑出, 好彩师傅补飞成功, 先至冇咩损失! 师傅深信如果不是病, 就一定唔会黎呢间食店, 皆因师傅冇咁好心机喺度等位, 但病倒了就得屈服, 正因如此才能一试呢间食店! 除非师傅又病啦, 否则再黎机会不大, 不过笑脸系值得一比!
张贴
