影片
更多
2022-07-31
103 浏览
（文中有坐打卡位tips）IG人气梅窝cafe：集交通唔方便﹑地点多蚊虫﹑好天又太热唔好天又扫兴﹑仲要争打卡位争崩头于一身，依然无阻人潮蜂拥而至！不过除咗打卡，成间cafe完全融入大自然，坐系到望下天﹑望下人地喂鱼﹑睇下书⋯的确系值得抽时间黎探店嘅～❝The Hideout Breakfast❞ ($130)〔推介！〕包括炒蛋﹑炒蘑菇﹑parma ham﹑肠仔﹑时蔬﹑多士，味道上系ADB标准黎讲算系不错，价钱上系打卡cafe黎讲亦尚算合理偏贵少少咁多。炒蛋够嫩滑﹑炒蘑菇惹味同时亦保留到浓郁蘑菇香味。❝Avocado Toast❞ ($130)〔推介！〕牛油果份量大方，配合车厘茄解腻，整体味道平衡得不错，多士相当出色，口感烟韧之余亦够厚身。❝Flat White❞ ($48)可以自行选择咖啡豆，大大加分！今次拣咗偏向nutty嘅豆，啱自己口味最紧要～𓂃𓈒 𓂂𓏸 The Hideout 𓏸𓂂 𓈒𓂃 @thehideouthk 大屿山梅窝银矿湾路梅窝码头步行约12分钟抵达（东涌地铁站至梅窝消防局车费约$120、落车后步行约2分钟抵达）星期一﹑星期三至日09:00 - 18:00营业星期二全日
❝The Hideout Breakfast❞ ($130)
〔推介！〕包括炒蛋﹑炒蘑菇﹑parma ham﹑肠仔﹑时蔬﹑多士，味道上系ADB标准黎讲算系不错，价钱上系打卡cafe黎讲亦尚算合理偏贵少少咁多。炒蛋够嫩滑﹑炒蘑菇惹味同时亦保留到浓郁蘑菇香味。
❝Avocado Toast❞ ($130)
〔推介！〕牛油果份量大方，配合车厘茄解腻，整体味道平衡得不错，多士相当出色，口感烟韧之余亦够厚身。
❝Flat White❞ ($48)
可以自行选择咖啡豆，大大加分！今次拣咗偏向nutty嘅豆，啱自己口味最紧要～
𓂃𓈒 𓂂𓏸 The Hideout 𓏸𓂂 𓈒𓂃 @thehideouthk
大屿山梅窝银矿湾路
梅窝码头步行约12分钟抵达（东涌地铁站至梅窝消防局车费约$120、落车后步行约2分钟抵达）
星期一﹑星期三至日09:00 - 18:00营业
星期二全日休店
❋ 只接受网上订座（每日00:00开放14天后预约），不接受walk-in
❋ 由于每组食客用餐时间为2小时（够钟会有店员致电提醒）﹑加上鱼塘边嘅位置只得4个，可以想像当有四组食客9am到店，而佢地坐到11am离开，咁10am到店的话就会比较尴尬，甚至有机会用餐时段完结都坐唔到打卡位。
探店当日预约平日10am，到10:30am左右等到正中心嘅鱼塘边位置。到12nn，当我同友人准备动身﹑戴口罩之际，其实已经有两三个人系附近守候。起身离席个下，其中一个系附近嘅女仔即刻坐低，然后另一个同样等紧位嘅女仔即刻扁哂嘴( ᵒ̴̷͈ᯅᵒ̴̶̷͈)
所以如果拣错时间﹑唔好彩，真系未必可以得偿所愿。解决方法包括问人借位影两张相，而我相信大多数人都会愿意嘅～但如果好想享受一下坐鱼塘边嘅写意﹑又觉得自己唔够人争位，就建议大家尽量早少少起身﹑拣平日9am到访。10am都可以接受，11am后应该系腥风血雨level嘅争位时段了～
𓂃𓈒 𓂂𓏸 𝐫𝐚𝐭𝐢𝐧𝐠 𓏸𓂂 𓈒𓂃
餐点味道 | ♥︎♥︎♥︎♥︎♥︎♥︎♥︎♥︎♡♡
抵食指数 | ♥︎♥︎♥︎♥︎♥︎♥︎♥︎♡♡♡
店舖环境 | ♥︎♥︎♥︎♥︎♥︎♥︎♥︎♥︎♥︎♡
用餐体验 | ♥︎♥︎♥︎♥︎♥︎♥︎♥︎♥︎♡♡
推荐程度 | ♥︎♥︎♥︎♥︎♥︎♥︎♥︎♥︎♡♡
适合场景 | Cafe hopping﹑小旅行
更多同区美食 ☞ #17离岛
更多同类美食 ☞ #17咖啡店
♥️ 追 踪 @17feelgood 发 掘 更 多 高 质 感 食 事 / 生 活 提 案 ♥️
张贴
