陳泗記

营业中

休息中

放工后，约左朋友去中环食饭，由于未决定食咩，早到就四围逛去揾食，游走于士丹尼街及威灵顿街。走到士丹尼街头，看见好多人系路边大牌档食野倾偈，好鬼有fell，就揾左近路边较光猛的陈泗记坐低，call朋友黎。等齐人，一睇菜单，价钱ok，四个人叫左5个小炒，2个靓仔，一支樽装青岛及一支可乐。小炒份量少，好彩我地细食，都食得饱。咕噜鸡球唔够酸、无咩汁，鸡球预先炸的，唔脆；嘟嘟鸡d鸡唔够入味，但煲底有几块猪润几好味；冬菇支竹煲，味道清淡。最好味系梅菜蒸鲩鱼，份量够多、鱼又滑又鲜。另一碟腐乳炒通菜都ok。 食完后，我们觉得只可一，不可再。想食小炒，去筲箕湾东大街或深水埗系明智选择，抵食又好味﹗