影片
更多
2017-10-29
534 浏览
今日系重阳节，祭祖前我地去烧味舖买烧肉，咁啱见到有师傅喺度烧紧乳猪，闻到好香嘅烧烤肉香，口水都流埋。老豆话「望乜啫，咁想食，今晚带你去『猪兜』食乳猪啦」。Thanks for your 烂gag...老豆以前喺港岛区返工，佢讲嘅『猪兜』即系兜记即烧乳猪专门店，不过佢out咗啦，上网check返，兜记改左名做胜记啦，不过依然有即烧乳猪食。酒家入面有个小型「水族馆」，入面啲水都几清澈，周围亦都干净企理，海鲜可以放心食用，亦某程度反映酒家管理卫生程度系OK嘅。另外亦有个恒温红酒柜，可以帮客人KEEP起啲酒。怀旧酱烤猪 - 酒家做紧大特价乳猪，出面酒楼食乳猪平极全只最少都要六百几蚊，呢度全只只不过系$368咋，一坐低唔驶点谂就叫左半只$198。乳猪肉排列到好似一只真乳猪咁，有脚仔架。(好对唔住呀猪BB)食乳猪除左肉质之外仲要睇埋师傅烧乳猪嘅水准，见到乳猪皮色泽均匀，即系火候控制得非常好。乳猪皮皮脆松化，肉质嫩滑，肉汁丰富，最重要系中间嘅脂肪厚薄适中，唔会过肥，啱晒我老豆呢啲要控制吓饮食(而又想乜都食)嘅人仕。我就钟意原汁原味，老豆就钟意点甜酱，话咁先够正宗。《干隆醉鸡(小)》$58 - 醉鸡系
酒家入面有个小型「水族馆」，入面啲水都几清澈，周围亦都干净企理，海鲜可以放心食用，亦某程度反映酒家管理卫生程度系OK嘅。
另外亦有个恒温红酒柜，可以帮客人KEEP起啲酒。
怀旧酱烤猪 - 酒家做紧大特价乳猪，出面酒楼食乳猪平极全只最少都要六百几蚊，呢度全只只不过系$368咋，一坐低唔驶点谂就叫左半只$198。
乳猪肉排列到好似一只真乳猪咁，有脚仔架。(好对唔住呀猪BB)食乳猪除左肉质之外仲要睇埋师傅烧乳猪嘅水准，见到乳猪皮色泽均匀，即系火候控制得非常好。
乳猪皮皮脆松化，肉质嫩滑，肉汁丰富，最重要系中间嘅脂肪厚薄适中，唔会过肥，啱晒我老豆呢啲要控制吓饮食(而又想乜都食)嘅人仕。
我就钟意原汁原味，老豆就钟意点甜酱，话咁先够正宗。
《干隆醉鸡(小)》$58 - 醉鸡系我至爱，系我去到任何餐厅见到餐牌有都一定会叫嘅程度。
呢道醉鸡嘅酒带药材味，味道亦掌握得几好：鸡嘅肉味、酒味同药材味均匀，药材味同酒配合令咀嚼𠮶阵有啲回甘。鸡肉本身亦都肉质鲜嫩再带点油脂，所以食落都几香滑。我对醉鸡要求都几高，呢度有中上水准。
《川椒虾球》$168 - 「川椒系列」又系另一道我去到任何餐厅见到餐牌有都一定会叫嘅菜，因为有我钟意食珍珠菜叶，我细细个𠮶阵系偏食唔食菜，但珍珠菜叶系我𠮶阵唯一会食嘅蔬菜，全因为珍珠菜叶会系炸到香脆，入口似薯片多过似菜。
呢道菜嘅珍珠菜叶都算多，啱晒我，两老知我钟意食，留咗大部份叶俾我食，作为回礼我都俾佢地食多只虾啦~
虾肉鲜爽，而且炒得够惹味，当中仲带有轻微嘅麻辣刺激一下舌头，我地好快就扫清。
《干炒牛河》$88 - 好大碟嘅干炒牛河，炒得好香，稍为坐远咗啲都闻到。牛肉软腍嫩滑，亦都唔会过于油腻。出面茶仔都$50-60蚊一碟，而且只系一人份量，呢碟至少两倍份量，性价比都几高。
整体嚟讲食物水准不错。最后想提一提服务方面 - 酒家人手不足，我地去到𠮶阵大约系8成入坐率，但侍应们已经忙到手忙脚乱，有时叫左冲茶执碟都因忙紧其他事转头就唔记得咗。不过侍应虽然好忙但都算几有礼貌，态度亦相当客气，明白你地已经尽左力，可以加返啲分。
张贴
