Street Meat (已結業)

Happy Friday当然要同好朋友出去chill out，今晚我哋嘅聚脚点系呢度，听讲呢度嘅设计系跟足纽约地铁站，入面一墙一砖都一模一样，对于从未踏足美国嘅两名小女子嚟讲，一行入嚟就好似飞咗去纽约咁，好神奇，令到我哋心情即刻high起上黎！店舖类似街头小食店，有十几个设于吧枱嘅位置。首先一人点咗杯嘢饮，店员向我推介Bartender Special Drink (Strawberry)，唔……饮落甜中带微酸，好易入口，好啱女仔饮；我fd就叫左杯Juniper Sling，我试饮左一啖，系果味浓浓嘅鸡尾酒，用贵妇high tea嘅杯同碟盛载，玩味十足~食物方面叫左Chelsea Market Lobster Roll，睇落好似有两只龙虾热狗放喺面前咁，面头铺满龙虾肉，入口啖啖肉好鲜甜，加埋好夹嘅蛋黄酱，口感更丰富~仲有Prince Street Station Sliders，佢个combination都相当特别，香脆多士入面夹住香煎澳洲和牛舌，牛舌味浓、口感软腍，混合埋韩式辣酱同鹅肝酱，味道层次多变。