利寶閣 (已結業)

亲戚补食做冬饭，来到上环利宝阁食饭，贪呢度坐得舒适，食得开心。人少少，冇叫一围围菜式，但都有好多2-4人套餐/小菜选择，仲有信用卡优惠套餐。 是夜菜式：原盅佛跳墙送谷饲豚肉叉烧饭Order左两盅佛跳墙，汤味唔错，汤料丰足，有鲍鱼 鱼翅 海参 光瑶柱 瘦肉等，炖出鲜味汤底，而且不含味精，强烈推介！另外酒楼推出周年优惠，叫佛跳墙有叉烧饭，叉烧肉味道好嫩滑，可能因为猪系食谷饲料关系，肉质比一般市面好。碧绿炒班球本来想叫鱼云煲，可惜售罄。 就叫左个炒石班食，火喉刚刚好，成碟菜唔会油，班片够厚身，新鲜鱼片，没雪藏味道。青豆够翠绿，爽口。高原白木耳浸菜苗白木耳第一次食，比起黑木耳厚身少少，都系爽口，但同黑木耳个种爽又有少少唔同感觉，谂唔到形容词表达~ 菜苗系白菜苗，成碟菜好健康感觉！仲有其他冇影到相。 总体味道唔错，部长好好人，一人送左碗陈皮红豆沙，个人好喜欢陈皮味道，所以觉得好好味。