一芳台灣水果茶 ((創紀之城五期(apm)) (已結業)

好耐冇饮过一芳，以前分店少，想饮既时候未必有，依家都开到周围都系，行过APM可以叹返杯。饮品店内外一如既往好光猛，佢既装修设计一向我都好中意，木色设计简单又不失格调。依家仲同紧多啦A梦crossover，成间店有多啦A梦装饰。饮品选择见到大甲芋头应该系新岀，所以试下。大甲芋头鲜奶 $35饮管包装纸同饮品杯再加盖纸都有多啦A梦，粉丝们一定好开心，因为怕太甜，拣左无糖，配上浓郁鲜奶，芋头蓉都几多下好多，搅匀之后啖啖都饮到芋头，不过芋头蓉本身应该有用糖煮过，所以拣左无糖都系偏甜，饮多几啖就腻，有点扣分。