影片
更多
2014-06-25
1972 浏览
是日农民伟伙拍另一农夫同埋农场大地主去左巡视岭南荒野之农地，故名思义个边系荒野既关系，我地可以知道个边系冇啖好食，所以农民伟就带住地主返返出去市中心揾食。本身出到市中心后想食D快野，但眼见「欧洲去去」、「冇骨气拉面」同「婴儿茶座」都冇晒位，所以最后就两男子一女子就去左呢度开餐。由于系农地个边已经饱食风雨既关系，所以D二人四人六人set都唔岩我地食，最后就决定散叫再happy share，叫左生煎饱、窝贴、菜粒咸肉饭、猪扒面，当然唔少得就系小笼包啦！倾左几分钟有关农场收获既问题，呢客中式桌球就上枱，我争D就忍唔住拎起只筷子做倚天cue，系食之前先打返个147度波由于一双手已经饱历风霜既原故，农民伟大胆地以手试温。呜呀！争D著火当然野食系要趁热食，所以众人都急不及待地起动。不过，一咬落去既时候，大家都后悔了。因为一咬之下高达摄氏300度既滚汁系口入面四方八面爆发，情形就好似食星爷佢地既「爆浆濑尿牛丸」一样，简单黎讲就好似放左个手榴弹入口之后爆炸一样，真系好滚热辣！但系呢一下冲击并未能够阻碍呢个生煎包成为呢间舖头既FOR，即Food Of the Restaurant，因为包入面既肉汁真系好
本身出到市中心后想食D快野，但眼见「欧洲去去」、「冇骨气拉面」同「婴儿茶座」都冇晒位，所以最后就两男子一女子就去左呢度开餐。
由于系农地个边已经饱食风雨既关系，所以D二人四人六人set都唔岩我地食，最后就决定散叫再happy share，叫左生煎饱、窝贴、菜粒咸肉饭、猪扒面，当然唔少得就系小笼包啦！
倾左几分钟有关农场收获既问题，呢客中式桌球就上枱，我争D就忍唔住拎起只筷子做倚天cue，系食之前先打返个147度波由于一双手已经饱历风霜既原故，农民伟大胆地以手试温。呜呀！争D著火当然野食系要趁热食，所以众人都急不及待地起动。不过，一咬落去既时候，大家都后悔了。因为一咬之下高达摄氏300度既滚汁系口入面四方八面爆发，情形就好似食星爷佢地既「爆浆濑尿牛丸」一样，简单黎讲就好似放左个手榴弹入口之后爆炸一样，真系好滚热辣！但系呢一下冲击并未能够阻碍呢个生煎包成为呢间舖头既FOR，即Food Of the Restaurant，因为包入面既肉汁真系好鲜好浓郁，非先前所食个几间淡口生煎包可比，而且个底又可以煎到脆而不㶶，颇具功架。
接住黎到既就系鲜虾窝贴。初初waitress姐姐拎黎个阵我真系唔知系窝贴，以为系煎米粉之类既野食，但我地明明冇叫，细心望一望先知道系窝贴，用左「中环码头」水饺所教个一种落豆粉水一齐煎既方法，不过我实际上唔系好喜欢呢个煮法，因为口感上同窝贴唔系好夹。馅方面呢，就冇咩特别，长条形易入口，但不留印象。
第三样就系呢个菜粒咸肉饭，menu上面明明写住系炒饭，但上枱既又系咁既样，使到一众农民大惑不解。但唔紧要，有野食黎到就食啦。系菜牌入面佢系一样舖头厨师五星推介，但食落就令我不禁想化身成后羿，系射晒九个太阳落黎之后再射埋佢呢五粒星星落黎。唔系话唔好食，淡淡地有少少肉香味，但真系唔系话要去到五星推介咁厉害，而个饭又比较多油，even每粒饭上面都有油系度，系就系香滑D，但显然对一些力求健康既朋友黎讲就唔系太适合。
世间上万事万物皆有佢既长处短处，聪明既就会扬长避短，但可惜今日我地就不幸发现佢既短处，当堂令呢间餐厅扣左唔少分数。碗面唔系冇味，但汤底只停留于味精水之流，虽不至于shimizu清水翔太汤底，但亦都唔系用上汤，有点失望。而猪扒更系呢一间餐厅既软肋，可能系炸得太耐既关系，D猪扒炸到好似包装食物咁，而且表面粗糙程度可比马明以前既脸蛋，甚至磨一磨个口就会即刻损，痛到流眼水。
最后就系小笼包，保持稳健水准，皮唔会太厚，肉味浓郁，又有好多汁，食落去系一种享受，总算能抚平被猪扒伤透既舌尖。咁多样野食加埋$303，农场地主见我地系农民，乃一介布衣，所以就请我地食，而我农民伟亦非无贡献，拎出一张系报纸剪既$50 coupon，所以实际上只需缴付$253就享饱餐一顿矣！
张贴
