大發茶餐廳 (已結業)

有时下午好晏食lunch，劲肚饿但又要再赶工，不如同啲同事一齐快食餐饭先再努力，附近有间茶餐厅又有蚝仔粥又有小菜食，一于试下。茶餐厅就响雀仔街附近。呢度嘅选择都好多，而且一啲都唔贵。叫𩠌食饭都只系几十蚊！就算湾仔返工都唔使下下碟头饭咁惨嘅！蚝仔粥好鲜甜，蚝仔好肥！饭都烟韧！呢排天气热左食蚝仔粥刚刚好！开胃唔洗咁漏喉。唔想食太多肉，叫咗个罗汉斋豆腐，豆腐够滑对板，冬菇厚，有镬气！送饭一流！另外仲叫咗个粟米斑块，我个人略嫌粟米斑块嘅粉太厚，鱼块雪得太久无咩味，但粟米汁有咬口而且醒胃！两个人食到咁丰富每人都系大概＄100！食到饱饱又可以返公司努力继续冲！