豊之丼 (已結業)

唔知几时开始，对于好既餐厅存有一种刻板偏见：餐牌不必太多选择，反之做得够专就够煞食。好似「豊之丼」呢类只做鱼生饭既食堂，自不然心生呢种先入为主既偏好，于是决定到来一试。打开餐牌，本想试「豊のトロ丼」($238)，但对我呢啲穷忙族黎讲实在有点昂贵，于是最后叫左「海老丼」($148)。起初还以为餐牌「图片只供参考」，原来碗丼份量都算得上「大盛」。单系甜虾都有成差唔多廿条将下面既饭完全地遮盖，但想讲重点其实系炸虾头至真！因为甜虾本身闻个阵基本上冇乜味，唯独你俯首𢳂饭食个阵，虾头既味就会伴随甜虾既鲜甜扑面而来。起初还以为虾头只是用黎点缀海老相，原来系厨师一番心思呢！佛家有句话叫「一花一世界」，食完呢餐顿觉「一虾一世界」其实亦不离远 (虾虾虾)。餐厅有否用心制作，真系好易食得出。