影片
更多
2017-08-21
3166 浏览
民泰街，好熟悉嘅街道，因为屋企人好钟意食呢度某间泰国菜。某日，等位时就留意到民泰四七，一是西班牙餐厅比较少﹔二是餐厅用上街名门牌命名﹔三是见到下午茶餐牌好抵食，当时问左店员，只要六点前入坐都可以叫下午茶餐。就系冲住呢个优惠而立心嚟试。门面好大︰但只有呢个细细块牌写住餐厅名字︰餐厅内里宽敞，唔会为左多啲客而夹硬摆多啲枱，坐得舒适。如果想坐得再舒服啲，可以选择卡位:餐具 - 用嘅系Peeress品牌，拎起来感觉用料一流，手柄部份还刻了餐厅名「民泰四七」。下午茶餐 - 供应时间由3点至6点，我哋大约5点9嚟到，仲可以order。下午茶餐有甜品或主食，价钱绝对抵食。下午茶餐已包美式咖啡/茶/汽水，加钱可配特调咖啡或新鲜水果茶。争取时间，先点两个下午茶餐︰美国谷饲肉眼牛扒配薯菜餐$88我哋叫左五成，肉眼牛扒都几大块，配有微微烤过嘅椰菜同炸薯条。肉质非常鲜嫩，整块肉眼牛扒有肥有瘦，而且牛肉味浓郁。烧汁微甜，同牛扒好夹。香蒜橄榄油肉丸意粉餐$48意粉较幼但烟靭，食落几有口感，而且用橄榄油煮，食落香而不腻。肉丸有3粒，如果大粒少少就更perfect~加$12转配冻新鲜水果茶 - 味道新鲜，好浓橙汁味，
门面好大︰
但只有呢个细细块牌写住餐厅名字︰
餐厅内里宽敞，唔会为左多啲客而夹硬摆多啲枱，坐得舒适。
如果想坐得再舒服啲，可以选择卡位:
餐具 - 用嘅系Peeress品牌，拎起来感觉用料一流，手柄部份还刻了餐厅名「民泰四七」。
下午茶餐 - 供应时间由3点至6点，我哋大约5点9嚟到，仲可以order。下午茶餐有甜品或主食，价钱绝对抵食。
下午茶餐已包美式咖啡/茶/汽水，加钱可配特调咖啡或新鲜水果茶。
争取时间，先点两个下午茶餐︰
美国谷饲肉眼牛扒配薯菜餐$88
我哋叫左五成，肉眼牛扒都几大块，配有微微烤过嘅椰菜同炸薯条。
肉质非常鲜嫩，整块肉眼牛扒有肥有瘦，而且牛肉味浓郁。烧汁微甜，同牛扒好夹。
香蒜橄榄油肉丸意粉餐$48
意粉较幼但烟靭，食落几有口感，而且用橄榄油煮，食落香而不腻。肉丸有3粒，如果大粒少少就更perfect~
加$12转配冻新鲜水果茶 - 味道新鲜，好浓橙汁味，因为叫少冰，略为甜左啲，等啲冰溶到咁上下再饮就啱饮啦~
加$10转配热Crème brûlée Latte - 店员介绍用左Crème brûlée味糖水调制，但就唔觉有咩Crème brûlée味，而且冇拉到花，系面头有一层薄薄而脆口嘅焦糖，口感几得意嘅~
嚟到西班牙餐厅梗系要食西班牙小食(TAPAS)啦!
香蒜牛油炒蘑菇$38 - 蘑菇大约有8粒，而且都算大粒，用香蒜牛油炒得特别香，食落微辣所以非常香口，非常多汁。
仲配有脆卜卜嘅黄蕃薯干同紫蕃薯干，几特别。
芒果柠汁腌吞拿鱼$88
吞拿鱼系鲜味，芒果鲜甜而柠汁开胃，连埋啲香叶，食落几种唔同味道混合，好匹配又够特别。
伴菜系牛油果酱粟米片 - 食𠮶阵记得用粟米片兜多啲牛油果酱，食落几滑。
最后叫多道甜品 - 法国焦糖炖蛋配桂花乌龙功夫茶$58
焦糖炖蛋喺个壶仔入面。
个焦糖炖蛋冇用到云呢拿籽或云呢拿香油，改用乌龙茶，食落香甜中带有啖啖乌龙茶味，几特别。食完甜品谂住叹埋杯桂花乌龙功夫茶，只不过杯茶系冻嘅，如果系热茶就合适啲，Cheers~
以上两个主菜虽然系下午茶餐但份量比得上午餐/晚餐，质量亦相当唔错，最重要价钱唔会比茶仔争得远，认真抵食。至于TAPAS选择都唔少，味道配搭多变化，甜品更加系有特色。民泰街又多一间特色，价钱又大众化嘅餐厅了。
张贴
