民泰四七 (已結業)

民泰四十七 ，看餐厅名字绝不会想到这是一间西班牙菜餐厅。餐厅装横精简，坐位都宽敞舒适，都觉得几啱朋友聚会倾计。同埋价钱以西班牙菜黎讲 ，都算好抵食。Tapas选择有十多样，今次点了三款，下次要试埋其他tapas！加利西亚深海大章鱼八爪鱼（章鱼）口感好好，够哂弹口。我喜欢佢个汁，番茄味加少少辣，十分开胃，作为前菜好啱食！鲜茄酒酱西班牙肉丸酒酱冇走酱，肉丸肉质新鲜，味道都几好。西班牙黑毛猪奄列依个菜式等左一段时间先到，心谂点解要整咁耐。上台时见到个奄列够厚同黑毛猪份量不少就原谅左佢。黑毛猪超级香口，为依个奄列实在加左唔少分。招牌西班牙腊味海鲜饭第一次食paella系有腊味的，唔知系咪餐厅觉得腊味同西班牙火腿系有异曲同工之妙所以加落去，味道都几夹的，海鲜份量都不少，值得试下！最后我地点左一个甜品，名叫一头雾水，睇相就明哂。芒果梳乎厘，两个字清新！