茶木‧台式休閒餐廳 (已結業)

听同事&朋友都多次推介，但又话排好耐队，所以迟迟未试，终于有日约咗人未够钟，咪排队试吓。行到加拿芬广场分店，攞张飞慢慢等，因为有太多时间，都唔介意等多久。轮到我，侍应安排一个靠柱位置，其实都颇为死角，正常应该3或4面都被侍应们见到，但𠮶日只有1面。虽然唔赶，不过𠮶个揾个人都无嘅感觉（唔系冇侍应，去过都知，只系唔多；但客就好多，而且个场都算大），相信有读者有同感。终于有个送完餐去隔离枱，即刻落单叫了“teawood红烧牛肉面 $60 &玫瑰花洋甘菊花茶 $37“又过咗一阵，面来了，先食牛肉……第一件真心失望，可能听到太多好评，正所谓“期望越大，失望越大“，牛肉唔够“林“，牛根部份更有橡根感觉，做唔到台式牛肉面的牛肉神髓。之后的牛肉，有啲够“林“，有啲唔得。如果牛肉水准可以保持会更好！花茶跟台湾的咖啡店做法差不多，一壸茶有花（唔系茶包）再加小炉在茶壸底部保温，好！环境舒服，木为主的装修及枱椅够阔大，观察到卡位的更大，就算枱上同时放3或4款食物share 都够位。