雅苑座

好多年前试过食帝苑酒店的越南餐厅， 即管搜罗下佢哋嘅自助餐，发现到逢星期五，六、日，公众假期也有宵夜buffet， 价钱非常之抵258蚊，再加一。 晚上10点15分开始至到12点15分完结， 宵夜buffet海鲜都唔少种类，有长脚蟹、青口、 东风螺， 蚬。 因为太多人抢，我都唔记得咗去拿海鲜食， 食食下见到人哋隔离枱有海鲜我先醒起要试下海鲜， 长脚蟹好食👍估唔到佢畀hotel icon更加出色。hotel icon第一轮长脚蟹就好食，之后再出时候，长脚蟹入面有好多水，好似浸过水咁样， 一啲都唔好食。 但系今次食帝苑酒店，全部长脚蟹入口都系好肉好食， 青口细粒麻麻哋好食，蚬都系一般系有沙， 亦都有东风螺。 面档，有东风螺，蚬、墨鱼丸、扎肉、鱿鱼、 鱼蛋、 生菜、芽菜，各式各样面类俾你选择， 有两款汤底 ，清汤面豉 及冬阴功汤， 试过墨鱼丸 鱿鱼扎肉 东风螺蚬， 东风螺好实好硬，蚬有沙，墨鱼丸好似系四海，鱿鱼都系麻麻哋， 试过一碗就算， 兴趣不大再encore面档。 鱼生有四款立鱼、三文鱼、吞拿鱼、仿鲍片。三文鱼、立鱼都入口新鲜切得又够件头，唔会似上次食，下午茶buffet 的Hotel